ബെംഗളൂരു: ബെംഗളൂരു റൈറ്റേഴ്സ് ആന്റ് ആർട്ടിസ്റ്റ്സ് ഫോറത്തിന്റെ ആഭിമുഖ്യത്തിൽ സംഘടിപ്പിക്കുന്ന വൈക്കം മുഹമ്മദ് ബഷീര് അനുസ്മരണ പരിപാടി ‘ബഷീർ ഓർമ്മ’ ഞായറാഴ്ച രാവിലെ 10 മണി മുതല് ജീവൻ ഭീമാ നഗറിലെ കാരുണ്യ ഹാളിൽ നടക്കും.
പ്രമുഖ പ്രഭാഷകനും വാഗ്മിയുമായ കെഇഎൻ ‘ബഷീർ കണ്ട ലോകം എന്ന’ വിഷയത്തില് മുഖ്യപ്രഭാഷണം നടത്തും. തുടർന്ന് നടക്കുന്ന അനുസ്മരണത്തില് സുധാകരൻ രാമന്തളി,ഇന്ദിരാ ബാലൻ, ടി. പി. വിനോദ്, കലിസ്റ്റസ്, രമ പ്രസന്ന പിഷാരടി, സുദേവൻ പുത്തഞ്ചിറ, തങ്കച്ചൻ പന്തളം, സിന കെ. എസ്, ആർ. വി. ആചാരി, അനീസ് സി. സി. ഒ., മുഹമ്മദ് കുനിങ്ങാട്, ഡെന്നിസ് പോൾ എന്നിവര് വിവിധ വിഷയങ്ങളില് സംസാരിക്കും. പരിപാടിയില് ബെംഗളൂരുവിലെ വായനക്കാരെയും എഴുത്തുകാരെയും കലാസ്നേഹികളെയും സ്വാഗതം ചെയ്യുന്നതായി സംഘാടകർ അറിയിച്ചു.
കൂടുതല് വിവരങ്ങള്ക്ക് : 99453 04862
SUMMARY: ‘Basheer Orma’ – Writers Forum programme tomorrow
