ബെംഗളൂരു: കെആർ പുരം മെട്രോ സ്റ്റേഷനിൽ ഉപേക്ഷിക്കപ്പെട്ട നിലയിൽ കറുത്ത പെട്ടി കണ്ടെത്തിയതു പരിഭ്രാന്തി പടർത്തി. ഇന്ന് വൈകുന്നേരം 4 മണിയോടെയാണ് സംഭവം. പെട്ടി ശ്രദ്ധയിൽപെട്ട യാത്രക്കാർ പോലീസിനെ വിവരം അറിയിച്ചു. തുടർന്ന് പോലീസും ബോംബ് സ്ക്വാഡും ആംബുലൻസും സ്ഥലത്തെത്തി.
മെട്രോ, വന്ദേഭാരത് ഉദ്ഘാടനങ്ങൾക്കായി പ്രധാനമന്ത്രി നരേന്ദ്ര മോദി 10ന് നഗരത്തിലെത്തുന്നതും സ്വാതന്ത്ര്യദിന പരിപാടിയുടെയും പശ്ചാത്തലത്തിൽ കനത്ത ജാഗ്രതയിലായിരുന്നു നടപടികൾ. എന്നാൽ പരിശോധന നടക്കുന്നതിനിടെ എച്ച്എഎല്ലിലെ ടെക്നീഷ്യനായ മഞ്ജുനാഥ് ജാഥവ് പെട്ടി തന്റേതാണെന്ന് വ്യക്തമാക്കി പോലീസിനെ സമീപിച്ചു.
ഹരിയാണയിൽ ജോലി സംബന്ധമായ പരിശീലനത്തിനു ശേഷം ട്രെയിനിൽ നഗരത്തിൽ മടങ്ങിയെത്തിയ തന്റെ പെട്ടി മെട്രോയിലേക്കു പ്രവേശിക്കുന്നതിനിടെ നഷ്ടപ്പെടുകയായിരുന്നുവെന്ന് മഞ്ജുനാഥ് പറഞ്ഞു. തുടർന്ന് സിസിടിവി ദൃശ്യങ്ങൾ ഉൾപ്പെടെ പരിശോധിച്ച ശേഷം പെട്ടി മഞ്ജുനാഥിനു കൈമാറുകയായിരുന്നു.
SUMMARY: Abandoned box at Bengaluru’s KR Puram metro station.
