കൊച്ചി: ‘സേവ് ബോക്സ്’ ആപ്പ് തട്ടിപ്പ് കേസില് തനിക്കെതിരെ നടക്കുന്നത് നുണ പ്രചാരണങ്ങള് ആണെന്നും നടൻ ജയസൂര്യ. എൻഫോസ്മെന്റ് സമൻസ് പ്രകാരം ‘സേവ് ബോക്സ്’ ആപ്പ് തട്ടിപ്പ് കേസില് തനിക്കെതിരെ നടക്കുന്നത് നുണ പ്രചാരണങ്ങള് ആണെന്നും നടൻ ജയസൂര്യ. എൻഫോസ്മെന്റ് സമൻസ് പ്രകാരം ഡിസംബർ 24 നും 29 നും താൻ അന്വേഷസംഘത്തിന് മുന്നില് ഹാജരായിരുന്നു.
എന്നാല് മൂന്നാം തവണയും സമൻസ് ലഭിച്ചെന്ന പ്രചാരണം തെറ്റാണെന്നും ജയസൂര്യ വ്യക്തമാക്കി. പരസ്യ ആവശ്യങ്ങള്ക്കും മറ്റുമായി സമീപിക്കുന്നവര് എന്തൊക്കെ തട്ടിപ്പുകള് നടത്തുമെന്ന് ആര്ക്കെങ്കിലും ഊഹിക്കാനാകുമോയെന്നും നടന് ചോദിക്കുന്നു. നിയമാനുസൃതമായി മാത്രം സാമ്പത്തിക ഇടപാടുകള് നടത്തി നികുതി അടക്കുന്ന ഉത്തരവാദിത്തപ്പെട്ട പൗരന് മാത്രമാണ് താനെന്നും ജയസൂര്യ ഇന്സ്റ്റഗ്രാമിലൂടെ വ്യക്തമാക്കി.
“സേവ് ബോക്സ്’ ലേല ആപ്പിനെ സാധാരണക്കാര്ക്കിടയില് പ്രമോട്ട് ചെയ്യുന്ന തരത്തില് അഭിനയിച്ചെന്ന ആരോപണത്തെ തുടര്ന്നാണ് നടന് ജയസൂര്യയെ എന്ഫോഴ്സ്മെന്റ് ഡയറക്ട്രേറ്റ് ചോദ്യം ചെയ്തത്. തട്ടിപ്പിലൂടെ സേവ് ബോക്സ് നേടിയ കള്ളപ്പണം കൈമാറിയവരുടെ പട്ടികയില് ജയസൂര്യയും ഉള്പ്പെട്ടതാണ് അന്വേഷണത്തിന് വഴിയൊരുക്കിയത്.
നിക്ഷേപമെന്ന പേരില് നിരവധിപേരില് നിന്ന് കോടികള് തട്ടിയതിന് ആപ്പ് ഉടമ തൃശൂര് സ്വദേശി സാത്വിക് റഹീമിനെ 2023ല് തൃശൂര് ഈസ്റ്റ് പോലീസ് അറസ്റ്റ് ചെയ്തിരുന്നു. ഇയാളുമായുള്ള ബന്ധപ്പവും സാമ്പത്തിക ഇടപാടുമാണ് ഇ ഡി അന്വേഷിക്കുന്നത്.
SUMMARY: Actor Jayasurya explains in the Save Box app fraud case
