ബെംഗളൂരു: നെലമംഗല അംബിക നഴ്സിംഗ് ആന്‍റ് അലൈഡ് ഹെൽത്ത് ഇൻസ്റ്റിറ്റ്യൂഷൻസിന്റെ 28-ാം വാർഷികാഘോഷവും 24-ാം ബിരുദദാന ചടങ്ങും കാമ്പസിലെ ആംഫി തിയേറ്ററിൽ നടന്നു. കോളേജ് സി.ഇ.ഒ ജിതിൻ കെ ജോസ് അധ്യക്ഷത വഹിച്ചു. കോളേജ് ചെയർമാൻ സൗന്ദര്യ രമേശ് ഉദ്ഘാടനം ചെയ്തു.
നഴ്സിംഗ്, അലൈഡ് ഹെൽത്ത് വിഭാഗങ്ങളിലെ വിദ്യാർഥികൾക്ക് ബിരുദവും ഡിപ്ലോമയും സമ്മാനിച്ചു. രാജീവ് ഗാന്ധി യൂണിവേഴ്സിറ്റി ഓഫ് ഹെൽത്ത് സയൻസസിൽ റാങ്ക് നേടിയ അംബിക കോളേജ് ഓഫ് നഴ്സിംഗ് വിദ്യാർത്ഥികളെ രക്ഷിതാക്കളുടെ സാന്നിധ്യത്തിൽ ആദരിച്ചു. രാജ്യത്തിന്റെ വിവിധ ഭാഗങ്ങളിൽ നിന്നുള്ള രക്ഷിതാക്കളും ബന്ധുക്കളും ബിരുദദാന ചടങ്ങിന് സാക്ഷ്യം വഹിക്കാൻ കാമ്പസിലെത്തി.
തുടർന്ന് നടന്ന വാർഷികാഘോഷത്തിൽ വിദ്യാർത്ഥികളുടെ കലാപരിപാടികൾ അരങ്ങേറി. അക്കാദമിക്, കലാ-കായിക രംഗങ്ങളിൽ മികവ് തെളിയിച്ച വിദ്യാർഥികൾക്ക് ഉപഹാരങ്ങൾ വിതരണം ചെയ്തു. ബോർഡ് അംഗം ദേവിക രമേശ്, ഡയറക്ടർ റീന ജോസ്, അഡ്മിനിസ്ട്രേറ്റർ ജാസ്മിൻ കെ ജോസ്, പ്രിൻസിപ്പാൾ ഹേമരാജു ആർ, ഡിഗ്രി കോളേജ് പ്രിൻസിപ്പാൾ മേഘ എൻ, അധ്യാപകർ, അനധ്യാപക ജീവനക്കാർ, രക്ഷിതാക്കൾ, വിദ്യാർഥികൾ എന്നിവർ പങ്കെടുത്തു.
SUMMARY: Ambika Nursing and Allied Health Institutions organized an annual celebration and graduation ceremony
