ബെംഗളൂരു: വടക്കൻ കർണാടകയിലെ പ്രമുഖ മലയാളി കൂട്ടായ്മയായ ബള്ളാരി കേരള കൾച്ചറൽ അസോസിയേഷന്റെ ഈ വര്ഷത്തെ ഓണാഘോഷം വിവിധ പരിപാടികളോടെ വിദ്യാനഗർ മാതാ ഫംഗ്ഷൻ ഹാളിൽ നടന്നു.
രാവിലെ നടന്ന സാംസ്കാരിക പരിപാടിയിൽ അസോസിയേഷൻ മുഖ്യരക്ഷാധികാരി ഗുരു മാത്യു അധ്യക്ഷത വഹിച്ചു. മലയാളം മിഷൻ കർണാടക ചാപ്റ്റർ കൺവീനർ ടോമി ജെ ആലുങ്കൽ, ന്യൂസ് ബെംഗളൂരു എഡിറ്റർ ഉമേഷ് രാമൻ എന്നിവര് മുഖ്യാതിഥികളായി.
അസോസിയേഷൻ പ്രസിഡൻ്റ് വി ജി ബാബുരാജ്, ചെയർമാൻ ഷിജു പി. വി, സെക്രട്ടറി ബിജു സി കെ, കൈരളി കൾച്ചറൽ അസോസിയേഷൻ ഹോസ്പേട്ട് പ്രസിഡൻ്റ് എം കെ മത്തായി, സെക്രട്ടറി പി സുന്ദരൻ, വിജയനഗർ മലയാളി അസോസിയേഷൻ-ടോറങ്കൽ ജോയിൻ്റ് സെക്രട്ടറി ഷാജി പി.കെ എന്നിവർ സംസാരിച്ചു. സംഘടനയുടെ മുതിര്ന്ന അംഗങ്ങളായ കെ പി മറിയാമ്മ, കെ.പി ജോസ്, ഫിലിപ്പ് എന്നിവരെ ചടങ്ങില് ആദരിച്ചു.
അജി നെല്ലിശ്ശേരി, ബാബു ആന്റണി, രാമകൃഷ്ണന് പി വി, ഷിബു ജോണ്, ബിജോ ജോസ്,എം ശശികുമാർ, ഗോപിനാഥ്, അബിൻ, ബിജോ വർഗീസ്, അയ്വാന് ജോര്ജ്, അക്ഷയ് ബാലന് എന്നിവര് നേതൃത്വം നല്കി. മലയാളം മിഷൻ പഠന ക്ലാസുകളുടെ ഉദ്ഘാടനവും നടന്നു. ഓണസദ്യ. കോട്ടയം വായ്മൊഴിയുടെ നാടൻപാട്ട് എന്നിവയും ഉണ്ടായിരുന്നു.
SUMMARY: Ballari Kerala Cultural Association Onam Celebrations
