ബെംഗളൂരു: കുടക് പൊന്നംപേട്ട് താലൂക്കിലെ ബലേലെയിൽ കരടിയുടെ ആക്രമണത്തിൽ തോട്ടംതൊഴിലാളിക്ക് ഗുരുതര പരുക്കേറ്റു. യാരവര കുല്ലയ്ക്കാണ് (42) പരുക്കേറ്റത്. ബുധനാഴ്ച രാത്രി 12-ഓടെയായിരുന്നു സംഭവം. ശബ്ദംകേട്ടതിനെ തുടര്ന്ന് വീടിനുപുറത്തിറങ്ങിയപ്പോഴാണ് കരടിയുടെ ആക്രമണം ഉണ്ടായയത്.
കണ്ണിനും തലയ്ക്കും ഗുരുതരപരിക്കേറ്റു. ഉടൻ ഗോണികുപ്പ സർക്കാർ ആശുപത്രിയിലേക്കും പരിക്ക് ഗുരുതരമായതിനാൽ അവിടെനിന്ന് മൈസൂരുവിലെ സ്വകാര്യ ആശുപത്രിയിലേക്കും മാറ്റി. കുടകിൽ കാട്ടാന, കടുവ, പുള്ളിപ്പുലി, കാട്ടുപോത്ത് എന്നിവയ്ക്കുപുറമേ ഇതാദ്യമായാണ് കരടി ആക്രമണം റിപ്പോർട്ടുചെയ്യുന്നത്.
SUMMARY: Bear attack: Estate worker seriously injured
