തിരുവനന്തപുരം: പേട്ടയിലെ റെയില്വേ ആശുപത്രി പരിസരത്ത് ഉപേക്ഷിക്കപ്പെട്ട നിലയില് വെടിയുണ്ടകള് കണ്ടെത്തി. ആശുപത്രിയിലെ ശുചിമുറിയിലാണ് വെടിയുണ്ടകള് കണ്ടെത്തിയത്. വിവരമറിഞ്ഞ ഉടന് സ്ഥലത്തെത്തിയ പോലീസ് ഇവ കസ്റ്റഡിയിലെടുത്തു. റെയില്വേ ഇന്റലിജന്സ് വിഭാഗം സംഭവത്തില് വിശദമായ പരിശോധന ആരംഭിച്ചിട്ടുണ്ട്.
പ്രാഥമിക പരിശോധനയില് ഈ വെടിയുണ്ടകള് റെയില്വേ സംരക്ഷണ സേന ഉപയോഗിക്കുന്നവയാണെന്നാണ് സൂചന. സര്വീസില് നിന്നും വിരമിച്ച ഏതെങ്കിലും ഉദ്യോഗസ്ഥന് കൈവശം വെച്ചിരുന്ന വെടിയുണ്ടകള് പിന്നീട് ഉപേക്ഷിച്ചതാകാനുള്ള സാധ്യതയാണ് ഇന്റലിജന്സ് പ്രധാനമായും പരിശോധിക്കുന്നത്.
സംഭവദിവസം ആശുപത്രിയില് ചികിത്സയ്ക്കായി എത്തിയ റെയില്വേ ജീവനക്കാരുടെയും മുന് ജീവനക്കാരുടെയും പട്ടിക ഉദ്യോഗസ്ഥര് ശേഖരിച്ചുവരികയാണ്. സംഭവത്തില് വഞ്ചിയൂര് പോലീസ് കേസെടുത്തിട്ടുണ്ട്. വെടിയുണ്ടകള് അവിടെ എങ്ങനെ എത്തിയെന്നതിനെക്കുറിച്ച് ശാസ്ത്രീയമായ അന്വേഷണം തുടരുകയാണ്.
SUMMARY: Bullets found in hospital in Thiruvananthapuram
