ബെംഗളൂരു: സംസ്ഥാനത്തിന്റെ സാമ്പത്തിക നില മെച്ചപ്പെട്ടാൽ പുരുഷന്മാർക്കും സൗജന്യ ബസ് യാത്ര അനുവദിക്കാനാകുമെന്ന് മുഖ്യമന്ത്രിയുടെ സാമ്പത്തിക ഉപദേഷ്ടാവ് ബസവരാജ് റായറെഡ്ഡി എംഎൽഎ. സ്ത്രീകൾക്കു സൗജന്യ ബസ് യാത്ര ഉറപ്പാക്കുന്ന ശക്തി പദ്ധതിക്കു സമാനമായി പുരുഷന്മാർക്കും ആനുകൂല്യം നൽകുന്നത് പരിഗണിക്കുമെന്നാണ് പ്രഖ്യാപനം.
സംസ്ഥാനത്ത് സാമ്പത്തിക പ്രതിസന്ധിയില്ല. 42,000 കോടി രൂപ വിദ്യാഭ്യാസ വകുപ്പിനു അനുവദിച്ചു. മുൻ ബിജെപി സർക്കാരിന്റെ 2 ലക്ഷം കോടി രൂപയുടെ കുടിശിക ബില്ലുകൾക്കു പണം അനുവദിച്ചു. 4.09 ലക്ഷം കോടി രൂപയുടെ ബജറ്റ് അവതരിപ്പിച്ചത് വികസന പ്രവർത്തനങ്ങൾക്കു യാതൊരു തടസ്സവുമില്ലെന്നതിന്റെ തെളിവാണെന്നും അദ്ദേഹം പറഞ്ഞു.
SUMMARY: Men will also get free bus service if finances improve, says CM’s advisor Basavaraj Rayareddy.
