ബെംഗളൂരു : ക്രസന്റ് നഴ്സറി വിദ്യാർഥികളുടെ പ്രവേശനോത്സവം മലബാർ മുസ്‌ലിം അസോസിയേഷൻ വൈസ് പ്രസിഡന്റും ക്രസന്റ് സ്കൂൾ ചെയർമാനുമായ അഡ്വ. പി. ഉസ്മാൻ ഉദ്ഘാടനം ചെയ്തു. കുരുന്നു മനസുകളിൽ പഠനം ഭീതിയും ഭാരവുമാക്കാതെ ഉല്ലാസത്തോടെ പഠിച്ചു വളരാനുള്ള സാഹചര്യം സൃഷ്ടിക്കുകയാണ് വേണ്ടതെന്ന് അഡ്വ. പി ഉസ്മാൻ അഭിപ്രായപ്പെട്ടു. ചെറുപ്രായത്തിൽ തന്നെ പുസ്തകങ്ങളുടെ ഭാരം ചുമന്ന് ശാരീരികവും മാനസികവുമായ പീഢനം മൂലം പഠനത്തോട് മടുപ്പ് ഉണ്ടാക്കുന്നതിന് പകരം ഭാരം കുറച്ച് ലളിത രീതിയിലുള്ള പഠന സംവിധാനങ്ങൾ സാധ്യമാക്കണമെന്നും അദ്ദേഹം പറഞ്ഞു. വൈസ് പ്രസിഡന്റ് അഡ്വ. ഷക്കീൽ അബ്ദുറഹ്മാൻ അധ്യക്ഷത വഹിച്ചു.
സെക്രട്ടറിമാരായ കെ.സി. അബ്ദുൾ ഖാദർ, ഷംസുദ്ദീൻ കൂടാളി, കെ.എച്ച്. ഫാറൂഖ്, ടി.പി. മുനീറുദ്ദീൻ, മാനേജർ പി.എം. മുഹമ്മദ് മൗലവി തുടങ്ങിയവർ പ്രസംഗിച്ചു. മാനേജർ പി.എം മുഹമ്മദ് മൗലവി, തുടങ്ങിയവർ പ്രസംഗിച്ചു. തുടര്‍ന്ന് വിദ്യാർഥികളുടെ കലാവിരുന്നുകൾ നടന്നു. ഇംദാദ് ആലം രക്ഷിതാക്കൾക്ക് ഉൽബോധന ക്ലാസ്സെടുത്തു. ശ്വേത, രമ്യ, രാജ വേലു, ശിവകുമാർ, രാധിക തുടങ്ങിയവർ പരിപാടി നിയന്ത്രിച്ചു. പ്രിൻസിപ്പൾ മുജാഹിദ് മുസ്തഫ ഖാൻ സ്വാഗതവും വൈസ് പ്രിൻസിപ്പൾ ശ്വേത നന്ദിയും പറഞ്ഞു.
<BR>
TAGS : MALABAR MUSLIM ASSOCIATION | MALAYALI ORGANIZATION | CRESCENT SCHOOL
SUMMARY : Admission festival in Crescent Nursery
