ബെംഗളൂരു: ദീപ്തി വെൽഫെയർ അസോസിയേഷൻ 32-ാം വാർഷികാഘോഷത്തോടനുബന്ധിച്ച് മല്ലേശ്വരം ചൗഡയ്യ ഹാളിൽ സംഘടിപ്പിച്ച മെഗാ ഷോ കവി ആലങ്കോട് ലീലാകൃഷ്ണൻ ഉദ്ഘാടനം ചെയ്തു. പ്രസിഡന്റ് വിഷ്ണുമംഗലം കുമാർ അധ്യക്ഷനായി. മുൻ ഡി.ജി.പി. ജീജാ മാധവൻ ഹരിസിങ്, പ്രോഗ്രാം കമ്മിറ്റി ചെയർമാൻ കെ. സന്തോഷ് കുമാർ, ജനറൽ സെക്രട്ടറി സന്തോഷ് ടി. ജോൺ, ജനറൽ കൺവീനർ കൃഷ്ണദാസ്, വെൽഫെയർ സെക്രട്ടറി ആർ. ഉണ്ണികൃഷ്ണൻ പിള്ള, ഖജാൻജി ജി. സനിൽകുമാർ, അസിസ്റ്റന്റ് സെക്രട്ടറി പ്രവീൺ തുടങ്ങിയവർ സംസാരിച്ചു.
അഡ്വ. സാജു ടി. ജോസഫ്, ആകാശ് കൃഷ്ണൻ, ദീപ്തി സ്ഥാപക ജനറൽസെക്രട്ടറി വി. സോമരാജൻ, അനിലമോൾ പാറക്കൽ എന്നിവരെ ആദരിച്ചു. പുന്നാട് പൊലികയുടെ നാടൻപാട്ടും നാടോടി നൃത്തവും നിഥിലാലിന്റെ നേതൃത്വത്തിൽ ജാനുതമാശകൾ, മാതാ പേരാമ്പ്രയുടെ ചിലപ്പതികാരം എന്നിവ അരങ്ങേറി.
SUMMARY: Deepthi celebrates 32nd anniversary; holds mega show
