ചെന്നൈ: തമിഴ്നാട്ടിലെ ശിവകാശിയില് പടക്ക നിർമാണ ശാലയില് സ്ഫോടനം. അപകടത്തില് അഞ്ച് പേർ മരിക്കുകയും നിരവധിപേർക്ക് പരുക്കേല്ക്കുകയും ചെയ്തു. ഇതില് നാല് പേരുടെ നില ഗുരുതരമാണ്. വിരുദുനഗർ ജില്ലയിലെ ചിന്നകമൻപട്ടിക്ക് സമീപമുള്ള ഗോകുലേഷ് പടക്ക നിർമാണ ശാലയിലാണ് സ്ഫോടനം ഉണ്ടായത്.
അപകട സമയത്ത് 50ലേറെ പേർ ഫാക്ടറിയില് ഉണ്ടായിരുന്നുവെന്നാണ് വിവരം. മരിച്ചവരില് രണ്ട് പേർ സ്ത്രീകളാണെന്നാണ് പ്രാഥമിക റിപ്പോർട്ട്. പരുക്കേറ്റവരെ വിരുദുനഗർ സർക്കാർ ആശുപത്രിയില് പ്രവേശിപ്പിച്ചു. പോലീസും ഫയർഫോഴ്സും സംഭവസ്ഥലത്തെത്തി. രക്ഷാപ്രവർത്തനം പുരോഗമിക്കുകയാണ്.
SUMMARY: Explosion at firecracker factory in Sivakasi; Five dead
WhatsApp
Telegram
