കണ്ണൂര്: കണ്ണൂരില് സ്ഫോടനം. പാട്യം പത്തായക്കുന്നിലാണ് സ്ഫോടനം ഉണ്ടായത്. നടുറോഡില് ഉണ്ടായ സ്ഫോടനത്തില് റോഡിലെ ടാര് ഇളകിത്തെറിച്ചു. വലിയ ശബ്ദത്തോടെയുള്ള പൊട്ടിത്തെറിയില് റോഡിന്റെ ഇരുവശങ്ങളിലുമുള്ള രണ്ടു വീടുകളുടെ ജനല്ചില്ലുകളാണ് തകര്ന്നത്. ബോംബ് സ്ഫോടനത്തിന് പിന്നില് സിപിഎം ആണെന്ന് ബിജെപി ആരോപിച്ചു.
ഇന്നലെ രാത്രി 12 മണിയോടെയാണ് സംഭവം. സംഘര്ഷാവസ്ഥ നിലനില്ക്കുന്ന പ്രദേശമാണിത്. വലിയ ശബ്ദത്തോടെ നടുറോഡിലാണ് ബോംബ് പൊട്ടിയത്. ഭയം സൃഷ്ടിക്കാനാകാം ബോംബ് പൊട്ടിച്ചത് എന്നാണ് പോലീസിന്റെ പ്രാഥമിക നിഗമനം. ഏറു പടക്കമാണ് പൊട്ടിത്തെറിച്ചത് എന്നും പോലീസ് പറയുന്നു. കൂടുതല് വ്യക്തത വരാതെ ഒന്നും പറയാൻ കഴിയില്ല എന്നും പോലീസ് പറഞ്ഞു. സംഭവത്തിന് പിന്നാലെ കതിരൂര് പോലീസ് സ്ഥലത്തെത്തി എഫ്ഐആര് ഇട്ട് അന്വേഷണം ആരംഭിച്ചിട്ടുണ്ട്.
SUMMARY: Explosion in the middle of the road in Kannur; Windows of two houses shattered
