കോഴിക്കോട്: ബേപ്പൂർ ഹാർബറില് നിന്ന് മത്സ്യബന്ധനത്തിന് പോയ ബോട്ടിലെ ജീവനക്കാരൻ ശ്വാസതടസ്സത്തെത്തുടർന്ന് മരിച്ചു. വെസ്റ്റ് ബംഗാള് സ്വദേശിയായ ഷഹബേദ് ദാസാണ് മരിച്ചത്. ബോട്ടിലുണ്ടായിരുന്ന മറ്റ് മൂന്ന് പേർക്ക് കൂടി ശ്വാസതടസ്സം അനുഭവപ്പെടുകയും ഇവർ കുഴഞ്ഞുവീഴുകയും ചെയ്തു.
ആയിഷ എന്ന ബോട്ടിലെ ജീവനക്കാർക്കാണ് അപകടം സംഭവിച്ചത്. കരയില് നിന്ന് ഏകദേശം 10 നോട്ടിക്കല് മൈല് അകലെ വെച്ച് ബോട്ടിന്റെ എഞ്ചിൻ റൂമില് വെള്ളം കയറുകയായിരുന്നു. ഇത് പരിശോധിക്കാനായി ഇറങ്ങിയപ്പോഴാണ് നാല് പേർക്ക് പെട്ടെന്ന് ശ്വാസതടസ്സം അനുഭവപ്പെട്ടത്. ആകെ 12 ജീവനക്കാരാണ് ബോട്ടിലുണ്ടായിരുന്നത്.
SUMMARY: Fishing crews from Beypore Harbor suffer from breathing difficulties and physical discomfort; one dies
WhatsApp
Telegram
