ബെംഗളൂരു: മുൻമന്ത്രിയും മുതിർന്ന കോൺഗ്രസ് നേതാവുമായ വെങ്കിട്ടരമണപ്പ (80) അന്തരിച്ചു. വെള്ളിയാഴ്ച പുലർച്ചെ ബെംഗളൂരുവിലെ സ്വകാര്യ ആശുപത്രിയിൽ ഹൃദയാഘാതത്തെ തുടർന്നായിരുന്നു അന്ത്യം.
തുമകൂരു പാവഗഡ മണ്ഡലത്തെ പ്രതിനിധീകരിച്ച് നാലുതവണ നിയമസഭയിലെത്തിയ വെങ്കിട്ടരമണപ്പ രണ്ടുതവണ മന്ത്രിയായിരുന്നു. 2008-ൽ സ്വതന്ത്രസ്ഥാനാർഥിയായി മത്സരിച്ചു വിജയിച്ചതിനെ തുടർന്ന് യെദ്യൂരപ്പ സർക്കാരിൽ ചെറുകിടവ്യവസായം, സെറികൾച്ചറൽ വകുപ്പുകളുടെ ചുമതലയുള്ള മന്ത്രിയായി. 2018-ലെ കോൺഗ്രസ്-ജെ.ഡി.എസ്. സഖ്യസർക്കാരിൽ തൊഴിൽവകുപ്പ് മന്ത്രിയായും പ്രവർത്തിച്ചു. നിലവിലെ പാവഗഡ എം.എൽ.എ. എച്ച്.വി. വെങ്കടേശ് മകനാണ്.
SUMMARY: Former Karnataka Minister Venkataramanappa passed away
