ന്യൂചണ്ഡീഗഡ്: ഐപിഎൽ രണ്ടാം ക്വാളിഫയറില് രാജസ്ഥാന് റോയല്സിനെ 7 വിക്കറ്റിന് തകര്ത്ത് ഗുജറാത്ത് ടൈറ്റൻസ് ഫൈനലില്.
സ്കോര് രാജസ്ഥാന് റോയല്സ് 20 ഓവറില് 214-6, ഗുജറാത്ത് ടൈറ്റൻസ് 18.3 ഓവറില് 219-3.
നേരത്തെ ടോസ് നേടി ആദ്യം ബാറ്റ് ചെയ്ത രാജസ്ഥാൻ ഉയർത്തിയ 215 റൺസ് വിജയ ലക്ഷ്യം എട്ട് പന്ത് ബാക്കി നിൽക്കെയാണ് ടൈറ്റൻസ് മറികടന്നത്. വെറും മൂന്ന് വിക്കറ്റ് മാത്രം നഷ്ടപ്പെടുത്തി ഗില്ലും സംഘവും വിജയം അനായാസം സ്വന്തമാക്കുകയായിരുന്നു. 47 പന്തില് സെഞ്ചുറി തികച്ച ഗില് 53 പന്തില് 104 റണ്സെടുത്ത് ടോപ് സ്കോററായപ്പോള് 32 പന്തില് 58 റണ്സെടുത്ത സായ് സുദര്ശൻ തുടര്ച്ചയായ രണ്ടാം മത്സരത്തിലും ഹിറ്റ് വിക്കറ്റായി പുറത്തായി
9 പന്തില് 16 റണ്സെടുത്ത വാഷിംഗ്ടണ് സുന്ദറിന്റെ വിക്കറ്റും ഗുജറാത്തിന് നഷ്ടമായി. 9 പന്തില് 17 റണ്സുമായി രാഹുല് തെവാട്ടിയയും 9 പന്തില് 9 റണ്സുമായി ജോസ് ബട്ലറും പുറത്താകാതെ നിന്നു. ഓപ്പണിംഗ് വിക്കറ്റില് ഗില്-സുദര്ശൻ ഓപ്പണിംഗ് സഖ്യം 12.5 ഓവറില് 168 റണ്സ് കൂട്ടിച്ചേര്ത്തശേഷമാണ് വേര്പിരിഞ്ഞത്. ഞായറാഴ്ച അഹമ്മദാബാദില് നടക്കുന്ന ഫൈനലില് റോയല് ചലഞ്ചേഴ്സ് ബെംഗളൂരുവാണ് ഗുജറാത്തിന്റെ എതിരാളികള്.
SUMMARY: Gujarat beat Rajasthan in finals; Win by seven wickets, Captain Shubman Gill gets a century
