മലപ്പുറം: കരിപ്പൂർ വിമാനത്താവളത്തില് വൻ സ്വർണക്കടത്ത് പിടികൂടി. റാസല് ഖൈമയില് നിന്ന് കരിപ്പൂരിലെത്തിയ പൊന്നാനി സ്വദേശിയില്നിന്നും 8 മാസം പ്രായമുള്ള കുഞ്ഞില്നിന്നുമായി ഏകദേശം ഒരു കോടി രൂപ വിലമതിക്കുന്ന സ്വർണം ഡയറക്ടറേറ്റ് ഓഫ് റവന്യൂ ഇന്റലിജൻസ് (ഡിആർഐ) പിടിച്ചെടുത്തു.
രഹസ്യവിവരത്തിന്റെ അടിസ്ഥാനത്തില് കോഴിക്കോട് നിന്നെത്തിയ ഡിആർഐ സംഘമാണ് പരിശോധന നടത്തിയത്. പിതാവും മൂന്ന് മക്കളുമാണ് വിമാനത്താവളത്തിലെത്തിയത്. പരിശോധനയ്ക്കിടെ 8 മാസം പ്രായമുള്ള കുഞ്ഞിന്റെ ഡയപ്പറില് ഒളിപ്പിച്ച നിലയില് സ്വർണം കണ്ടെത്തി.
തുടർന്ന് കുഞ്ഞിന്റെ പിതാവിന്റെ ശരീരത്തിലും മിശ്രിത രൂപത്തിലുള്ള സ്വർണം ഒളിപ്പിച്ചിരുന്നതായി കണ്ടെത്തുകയായിരുന്നു. സംഭവത്തില് കൂടുതല് അന്വേഷണം പുരോഗമിക്കുകയാണ്. സ്വർണം കടത്താൻ കുട്ടികളെ ഉള്പ്പെടെ ഉപയോഗിച്ചതിന്റെ പശ്ചാത്തലവും ഡിആർഐ പരിശോധിക്കുന്നുണ്ട്.
SUMMARY: Gold smuggled by hiding it in an 8-month-old baby’s diaper; gold worth ₹1 crore seized at Karipur
