ബെംഗളൂരു: ഉമ്മന് ചാണ്ടി ആരോഗ്യ ഇന്ഷുറന്സ് പദ്ധതി പ്രവാസി മലയാളികള്ക്കും ലഭ്യമാകുന്ന തരത്തില് വിപുലീകരിക്കണമെന്നു ബാംഗ്ലൂര് കേരളസമാജം കേരള മുഖ്യമന്ത്രിയോട് നിവേദനത്തിലൂടെ അഭ്യര്ത്ഥിച്ചു. ഇത് സംബന്ധിച്ച നിവേദനം കേരളസമാജം ജനറല് സെക്രട്ടറി റജികുമാര് മുഖ്യമന്ത്രിക്ക് സമര്പ്പിച്ചു.
മുന് സര്ക്കാര് ആരംഭിച്ച നോര്ക്ക കെയര് , നോര്ക്ക കെയര് പ്ലസ് ഇന്ഷുറന്സ് പദ്ധതികളിലേക്കുള്ള അംഗത്വ രജിസ്ട്രേഷന് വീണ്ടും തുറന്ന്, കൂടുതല് പ്രവാസി മലയാളികള്ക്ക് ഈ ക്ഷേമപദ്ധതികളുടെ പ്രയോജനം ലഭ്യമാക്കണമെന്നും, ബെംഗളൂരും വടക്കന് കേരളവും തെക്കന് കേരളവും തമ്മില് കൂടുതല് ട്രെയിന് സര്വീസുകള് അനുവദിക്കുന്നതിനായി ബന്ധപ്പെട്ട അധികാരികളുമായി ആവശ്യമായ ഇടപെടല് നടത്തണമെന്നും ബെംഗളൂരു-കോയമ്പത്തൂര് വന്ദേ ഭാരത് എക്സ്പ്രസ് പാലക്കാട് അല്ലെങ്കില് ഷൊര്ണൂര് വരെ ദീര്ഘിപ്പിക്കുന്നതിനായി ആവശ്യമായ നടപടി സ്വീകരിക്കണമെന്നും നിവേദനത്തില് ആവശ്യപ്പെട്ടു.
ഇന്ത്യയിലുള്ള പ്രവാസി മലയാളികളുടെ ഭൗതികശരീരം സ്വദേശത്തേക്ക് കൊണ്ടുവന്ന് അന്ത്യകര്മങ്ങള് നടത്തുന്നതിനായി അനുവദിക്കുന്ന ?10,000 ആംബുലന്സ് ധനസഹായം ലഭ്യമാക്കുന്നതിനുള്ള നടപടിക്രമങ്ങള് കൂടുതല് ലളിതമാക്കണമെന്നും. വര്ധിച്ചുവരുന്ന യാത്രാവശ്യകത കണക്കിലെടുത്ത് കേരളത്തിനും ബെംഗളൂരുവിനും ഇടയില് കൂടുതല് കെ.എസ്.ആര്.ടി.സി. ബസ് സര്വീസുകള് ആരംഭിക്കണമെന്നും ആവശ്യപ്പെട്ടു.ആവശ്യങ്ങള് പരിഗണിച്ച് നടപടികള് സ്വീകരിക്കുമെന്ന് മുഖ്യമന്ത്രി അറിയിച്ചു.
SUMMARY: Health insurance scheme should be made available to non-resident Malayalis – Bangalore Kerala Samajam
