സോജില ചു​ര​ത്തി​ൽ അ​തി​ശ​ക്ത​മാ​യ ഹിമപാതം; 2 മരണം, നി​ര​വ​ധി വാ​ഹ​ന​ങ്ങ​ൾ മ​ഞ്ഞി​ന​ടി​യി​ൽ

ശ്രീ​ന​ഗ​ർ: കഷ്മീ​രി​നെ​യും ല​ഡാ​ക്കി​നെ​യും ബ​ന്ധി​പ്പി​ക്കു​ന്ന ത​ന്ത്ര​പ്ര​ധാ​ന​മാ​യ സോ​ജി​ല ചു​ര​ത്തി​ൽ വെ​ള്ളി​യാ​ഴ്ച ഉ​ച്ച​ക​ഴി​ഞ്ഞ് ഉ​ണ്ടാ​യ ശ​ക്ത​മാ​യ മ​ഞ്ഞു​വീ​ഴ്ച​യി​ൽ ര​ണ്ട് പേ​ർ കൊ​ല്ല​പ്പെ​ട്ടു. സീ​റോ പോ​യി​ന്‍റി​ന് സ​മീ​പ​മു​ണ്ടാ​യ അ​പ​ക​ട​ത്തി​ൽ നി​ര​വ​ധി വാ​ഹ​ന​ങ്ങ​ൾ മ​ഞ്ഞി​ന​ടി​യി​ൽ​പ്പെ​ട്ട​താ​യാ​ണ് പ്രാ​ഥ​മി​ക റി​പ്പോ​ർ​ട്ടു​ക​ൾ. അ​പ​ക​ട​ത്തെ​ത്തു​ട​ർ​ന്ന് ശ്രീ​ന​ഗ​ർ-​ലേ ദേ​ശീ​യ പാ​ത​യി​ലെ ഗ​താ​ഗ​തം പൂ​ർ​ണ​മാ​യും ത​ട​സ​പ്പെ​ട്ടു.

ഹിമപാതത്തിനടിയിൽ നിരവധിപേർ കുടുങ്ങി കിടക്കുന്നതായും റിപ്പോർട്ടുകളുണ്ട്. ഇവർക്കായുള്ള രക്ഷാപ്രവർത്തനവും തുടരുകയാണ്. സംസ്ഥാന ദുരന്തനിവാരണ സേനയും ഗന്ദർബാൽ പൊലീസും രക്ഷാപ്രവർത്തനം നടത്തുകയാണ്. റോഡിൽ പൂർണമായും മഞ്ഞുമൂടിയിരിക്കുന്നതിനാൽ രക്ഷാപ്രവർത്തകരുടെ വാഹനങ്ങൾ കടന്നുപോകുന്നതിൽ തടസ്സം നേരിടുന്നുണ്ട്. അതുകൊണ്ടുതന്നെ കൂടുതൽ പേർക്ക് ഈ മേഖലയിലേക്ക് ഏതാണ് ഇതുവരെ സാധിച്ചിട്ടില്ല. കനത്ത മഞ്ഞും മോശം കാലാവസ്ഥയും രക്ഷാപ്രവർത്തനത്തിന് വെല്ലുവിളി ഉയർത്തുന്നുണ്ട്.

Snow Avalanche hits Zojila Pass on Sonamarg–Drass Road, Several Vehicles Hit pic.twitter.com/iRB8acpP2J

— Kashmir Weather (@Kashmir_Weather) March 27, 2026

കാര്‍ഗില്‍ ജില്ലയിലാണ് സോജിലാ പാസ് സ്ഥിതി ചെയ്യുന്നത്. ക​ഴി​ഞ്ഞ കു​റ​ച്ചു ദി​വ​സ​ങ്ങ​ളാ​യി മേ​ഖ​ല​യി​ൽ തു​ട​രു​ന്ന ക​ന​ത്ത മ​ഞ്ഞു​വീ​ഴ്ച​യെ​ത്തു​ട​ർ​ന്ന് ദു​ര​ന്ത സാ​ധ്യ​ത നി​ല​നി​ന്നി​രു​ന്നു. മ​ഞ്ഞു​വീ​ഴ്ച​യു​ടെ പ​ശ്ചാ​ത്ത​ല​ത്തി​ൽ സോ​ന​മാ​ർ​ഗ്-​കാ​ർ​ഗി​ൽ പാ​ത താ​ത്കാലി​ക​മാ​യി അ​ട​ച്ചു. കൂ​ടു​ത​ൽ വാ​ഹ​ന​ങ്ങ​ൾ അ​പ​ക​ട​ത്തി​ൽ​പ്പെ​ട്ടി​ട്ടു​ണ്ടോ എ​ന്ന് പ​രി​ശോ​ധി​ച്ചു വ​രി​ക​യാ​ണെ​ന്നും യാ​ത്ര​ക്കാ​ർ ജാ​ഗ്ര​ത പാ​ലി​ക്ക​ണ​മെ​ന്നും അ​ധി​കൃ​ത​ർ അ​റി​യി​ച്ചു.
SUMMARY: Heavy avalanche at Sojila Pass; 2 dead