തിരുവനന്തപുരം: എസ്ഐ റാങ്ക് പട്ടികയിലുള്ള 43 പേർക്ക് അടിയന്തരമായി നിയമന ഉത്തരവ് നല്കാൻ നിർദേശം. ആഭ്യന്തര അഡീഷണല് ചീഫ് സെക്രട്ടറിക്ക് ആഭ്യന്തരമന്ത്രി രമേശ് ചെന്നിത്തലയാണ് നിർദേശം നല്കിയത്. റാങ്ക് ലിസ്റ്റിന്റെ കാലാവധി തീരാൻ ദിവസങ്ങള് മാത്രമാണ് ബാക്കിയുള്ളത്. നിയമനം നല്കണമെന്ന് ആവശ്യപ്പെട്ട് ഉദ്യോഗാർഥികള് ആഭ്യന്തരമന്ത്രിയെ കണ്ടിരുന്നു. ജൂണ് ഒമ്പതിനാണ് റാങ്ക് ലിസ്റ്റിന്റെ കാലാവധി കഴിയുക.
2025 ജൂണ് ഒമ്പതിനായിരുന്നു റാങ്ക് ലിസ്റ്റ് പ്രസിദ്ധീകരിച്ചത്. അർഹതപ്പെട്ട ഒരാളുടെയും അവസരം നഷ്ടമാവില്ലെന്ന് രമേശ് ചെന്നിത്തലയാണ് പറഞ്ഞു. സർക്കാർ പൊതുവായി റാങ്ക് പട്ടികകളുടെ കാലാവധി നീട്ടിയെങ്കിലും, എസ്ഐ റാങ്ക് പട്ടികയ്ക്ക് അത് ബാധകമായിരുന്നില്ല. ഇതിന് പിന്നാലെയാണ് ഉദ്യോഗാർഥികള് ആഭ്യന്തരമന്ത്രിയെ കണ്ടത്.
കേരള പബ്ലിക് സർവീസ് കമ്മീഷൻ നടത്തിയ സബ് ഇൻസ്പെക്ടർ പരീക്ഷയുടെ റാങ്ക് ലിസ്റ്റ് 2025 ജൂണ് 9-നാണ് പ്രസിദ്ധീകരിച്ചത്. ഒരു വർഷത്തെ കാലാവധിയുള്ള ഈ ലിസ്റ്റ് 2026 ജൂണ് 9-ന് അവസാനിക്കാനിരിക്കെയാണ് ഉദ്യോഗാർത്ഥികള്ക്ക് ആശ്വാസമായി സർക്കാരിന്റെ ഇടപെടല് ഉണ്ടാകുന്നത്. സംസ്ഥാനത്തെ വിവിധ പിഎസ്സി റാങ്ക് ലിസ്റ്റുകളുടെ കാലാവധി സർക്കാർ നീട്ടിനല്കിയിരുന്നെങ്കിലും എസ്ഐ റാങ്ക് ലിസ്റ്റിന് ഈ ആനുകൂല്യം ബാധകമായിരുന്നില്ല.
ലിസ്റ്റിന്റെ കാലാവധി തീരുന്നതോടെ തങ്ങള്ക്ക് ലഭിക്കേണ്ട ജോലി നഷ്ടപ്പെടുമെന്ന ആശങ്കയില് ഉദ്യോഗാർത്ഥികള് ആഭ്യന്തരമന്ത്രി രമേശ് ചെന്നിത്തലയെ നേരിട്ട് കണ്ട് അവസ്ഥ പങ്കുവെച്ചത്. ഉദ്യോഗാർത്ഥികളുടെ പരാതി പരിഗണിച്ച മന്ത്രി, അർഹരായ ആർക്കും ജോലി നഷ്ടപ്പെടില്ലെന്ന് ഉറപ്പുനല്കുകയും ഫയലില് അടിയന്തിരമായി തീർപ്പുകല്പ്പിക്കാൻ ഉദ്യോഗസ്ഥർക്ക് നിർദേശം നല്കുകയുമായിരുന്നു.
SUMMARY: Only days left for the term to expire; Home Minister directs immediate appointment of 43 people on the SI rank list
