ബെംഗളൂരു: കല വെൽഫെയർ അസോസിയേഷൻ ബെംഗളൂരുവിന്റെ നേതൃത്വത്തിൽ സംഘടിപ്പിക്കുന്ന ‘കല ഓണോത്സവം ആന്‍റ് സാന്ത്വനം 2026’ ഞായറാഴ്ച ദാസറഹള്ളിയിലെ മഹിമപ്പ സ്കൂൾ ഗ്രൗണ്ടിൽ രാവിലെ മുതൽ രാത്രി വരെ വിവിധ കലാ-സാംസ്കാരിക പരിപാടികളോടെ നടക്കും.
സാംസ്കാരിക സമ്മേളനം പ്രശസ്ത കവി മുരുകൻ കാട്ടാക്കട ഉദ്ഘാടനം ചെയ്യും. കേരളത്തിന്റെ തനത് കലാ-സാംസ്കാരിക പാരമ്പര്യം വിളിച്ചോതുന്ന വിവിധ പരിപാടികളും ആഘോഷത്തിന്റെ ഭാഗമായി അരങ്ങേറും.ഓണസദ്യ, വിവിധ കലാപരിപാടികൾ, ചെണ്ടമേളം, കല കേരള സ്പെഷ്യൽ ഫുഡ് കോർട്ട്, ലക്കി കൂപ്പൺ നറുക്കെടുപ്പ് തുടങ്ങിയവയും പരിപാടിയുടെ ഭാഗമായി ഒരുക്കിയിട്ടുണ്ട്. വൈകിട്ട് 5 മണി മുതൽ അഥുൽ നറുകരയും ശ്വേത അശോകും അണിനിരക്കുന്ന പ്രത്യേക മെഗാ സംഗീത പരിപാടിയും നടക്കും.
SUMMARY: Kala Onam Festival Today
