ബെംഗളൂരു: സംസ്ഥാനത്ത് വന്യജീവികളുള്ള സ്ഥലങ്ങളില്‍ ട്രെക്കിങ്ങിന് നിരോധനമേര്‍പ്പെടുത്തി വനംവകുപ്പ്. ചാമരാജനഗര്‍ മലെ മഹാദേശ്വര ഹില്‍സ് ക്ഷേത്ര സന്ദര്‍ശനത്തിനു ബെംഗളൂരുവില്‍ നിന്നെത്തിയ 10 വയസ്സുകാരന്‍ ഞായറാഴ്ച പുള്ളിപ്പുലിയുടെ ആക്രമണത്തില്‍ കൊല്ലപ്പെട്ട സാഹചര്യത്തില്‍ വനംമന്ത്രി ഈശ്വര്‍ ബി. ഖന്ദ്രയുടെ ഉത്തരവിനെത്തുടര്‍ന്നാണ് തീരുമാനം.
ട്രെക്കിങ്ങിനു സര്‍ക്കാര്‍ അടുത്തയിടെ പുറത്തിറക്കിയ സുരക്ഷാ മാനദണ്ഡങ്ങള്‍ പ്രകാരം പാതകളില്‍ സംവിധാനങ്ങള്‍ ഒരുക്കും വരെ സഞ്ചാരികളെ അനുവദിക്കേണ്ടതില്ലെന്നു വനം മന്ത്രി ഈശ്വര്‍ ഖണ്ഡ്രെ നിര്‍ദേശിച്ചു.
ശിവരാത്രി, ഉഗാദി ഉത്സവകാലത്തു മാത്രമേ മലെ മഹാദേശ്വര ക്ഷേത്രത്തിലേക്കു പദയാത്ര അനുവദിക്കൂ. കൂടാതെ നിലവിലുള്ള 14 കിലോമീറ്ററിന് പകരം ഇനി മൂന്ന് കിലോമീറ്റര്‍ മാത് മേ നടക്കാന്‍ അനുവാദമുള്ളൂ. പരമാവധി ദൂരം ജീപ്പില്‍ സഞ്ചരിച്ച ശേഷം 3 കിലോമീറ്റര്‍ നടന്നു പോകും വിധത്തിലായിരിക്കണമിത്. വോക്കിടോക്കി സംവിധാനത്തോടെ ഗൈഡുകള്‍ ഈ സംഘങ്ങളെ അനുഗമിച്ചിരിക്കണമെന്നും മന്ത്രി പറഞ്ഞു. പരിശീലനം ലഭിച്ച ഗൈഡുകളുടെയും വനംവകുപ്പ് ജീവനക്കാരുടെയും കൂടെ ചെറിയ സംഘങ്ങളായി കാല്‍നടയാത്ര അനുവദിക്കും. ഭക്തര്‍ നിശ്ചിത കൗണ്ടറുകളില്‍നിന്ന് ടിക്കറ്റ് വാങ്ങിയ ശേഷം നന്നായി മൂടിയ ജീപ്പുകളില്‍ മാത്രമേ യാത്ര ചെയ്യാവൂ എന്നും ഉത്തരവില്‍ പറയുന്നു
പൊതുജനങ്ങള്‍ക്കായി ട്രെക്കിങ് പാതകള്‍ വീണ്ടും തുറക്കുന്നതിന് മുമ്പ് സുരക്ഷാ നടപടികള്‍ അവലോകനം ചെയ്യാനും വന്യജീവികളുടെ ചലനരീതികള്‍ വി ലയിരുത്താനും മുന്‍കരുതല്‍ സംവിധാനങ്ങള്‍ ഏര്‍പ്പെടുത്താനും വനംവകുപ്പിനും ഇക്കോ-ടൂറിസം വികസന ബോര്‍ഡിനും മന്ത്രി നിര്‍ദേശം നല്‍കിയിട്ടുണ്ട്.
SUMMARY: Karnataka again bans trekking in wildlife areas
