ബെംഗളൂരു: കേരളസര്ക്കാര് നോര്ക്ക റൂട്ട്സ് മുഖേന നടപ്പിലാക്കുന്ന സമഗ്ര ആരോഗ്യ ഇന്ഷുറന്സ് പദ്ധതിയായ നോര്ക്ക കെയറില് അംഗത്വമെടുക്കുന്നതിന് മുന്നോടിയായി നോർക്ക അംഗീകൃത സംഘടനയായ കേരളസമാജം ദൂരവാണി നഗറിന്റെ നേതൃത്വത്തിൽ സമാഹരിച്ച നോർക്ക ഐഡി കാർഡിനുള്ള അപേക്ഷകൾ സമാജം ജനറൽ സെക്രട്ടറി ഡെന്നിസ് പോൾ, വൈസ് പ്രസിഡന്റ് വിജയൻ എം.പി, ലൈബ്രേറിയൻ രാജൻ സി എന്നിവർ നോർക്ക ഓഫീസിൽ എത്തി കൈമാറി.
പ്രവാസി കേരളീയര്ക്ക് അഞ്ചു ലക്ഷം രൂപയുടെ ആരോഗ്യ ഇന്ഷുറന്സും 10 ലക്ഷം രൂപയുടെ അപകട ഇന്ഷുറന്സ് പരിരക്ഷയും ഒരുക്കുന്ന ‘നോര്ക്ക കെയര്’ പദ്ധതിയിൽ അംഗമാകാൻ സാധിക്കും. ഇന്ത്യയിലുടനീളം 16,000-ത്തിലധികം ആശുപത്രികളില് ക്യാഷ്ലെസ് ചികിത്സ ലഭ്യമാക്കുന്ന നോര്ക്ക കെയറില് നിലവിലുളള രോഗങ്ങള്ക്കും പരിരക്ഷ ഉറപ്പാക്കാനാകും. 18 മുതല് 70 വയസ്സുവരെയുള്ളവര്ക്കാണ് പദ്ധതിയില് ചേരാന് സാധിക്കുക. നോര്ക്ക ഐഡി കാര്ഡിന് ഒരാള്ക്ക് 408 രൂപയും നോര്ക്ക കെയര് ആരോഗ്യ ഇന്ഷുറന്സിന് ഭര്ത്താവ്, ഭാര്യ രണ്ടു കുട്ടികള് എന്നിവരുള്പ്പെടുന്ന കുടുംബത്തിന് 13,411 രൂപയും വ്യക്തിയ്ക്ക് 8,101 രൂപയുമാണ് ഫീസ്. കേരളപ്പിറവി ദിനമായ നവംബര് ഒന്നിന് നിലവില് വരുന്ന നോര്ക്ക കെയര് പദ്ധതിയില് ചേരുന്നതിനുള്ള അവസാനതീയതി ഒക്ടോബര് 21 ആണ്. കൂടുതല് വിവരങ്ങള്ക്ക് 080 -25585090 എന്ന നമ്പറില് ബന്ധപ്പെടാം. ടോൾ ഫ്രീ നമ്പർ 18002022501/ 502. വെബ്സൈറ്റ്: www.norkaroots.kerala.gov.in
WhatsApp
Telegram
