പത്തനംതിട്ട: പറക്കോട് വീടിന് മുകളിലേക്ക് ലോറി മറിഞ്ഞ് വീട്ടമ്മ മരിച്ചു. മറിയം ബീവി (60) എന്ന സ്ത്രീയാണ് മരിച്ചത്. പുലര്ച്ചെ 3 മണിയോടെ കായംകുളം–പുനലൂര് റോഡില് പറക്കോട് സ്കൂള് ജംക്ഷന് സമീപമാണ് അപകടമുണ്ടായത്. മറിയം ബീവി വീടിനകത്ത് ഉറങ്ങിക്കിടക്കുമ്പോഴാണ് സംഭവം.
പുലര്ച്ചെ മെറ്റല് കയറ്റി വന്ന ലോറി നിയന്ത്രണം വിട്ട് വീട്ടിലേക്ക് ഇടിച്ച് കയറുകയായിരുന്നു. റോഡില് നിന്നും താഴ്ചയിലുള്ള വീടാണിത്. റോഡിലുണ്ടായിരുന്ന വൈദ്യുതി പോസ്റ്റ് തകര്ത്താണ് ലോറി വീടിന്റെ ഭിത്തിയിലേക്ക് ഇടിച്ചുകയറുകയായിരുന്നു. ഭിത്തി തകര്ന്ന് മേല് വീണാണ് ഉറങ്ങിക്കിടന്ന മറിയം ബീവി മരിച്ചത്. ഫയര്ഫോഴ്സെത്തിയാണ് മറിയം ബീവിയെ പുറത്തെടുത്തത്.
SUMMARY: Lorry overturns on top of house; woman dies
