തിരുവനന്തപുരം: സംസ്ഥാന സർക്കാർ ജീവനക്കാരുടെയും പെൻഷൻകാരുടെയും ആരോഗ്യ ഇൻഷുറൻസ് പദ്ധതിയായ ‘മെഡിസെപ്പിന്റെ’ പ്രീമിയം തുക വർധിപ്പിച്ചു. പ്രതിമാസം 500 രൂപയായിരുന്ന പ്രീമിയം തുക 810 രൂപയായാണ് ഉയര്‍ത്തിയത്. ഇതുസംബന്ധിച്ച ഉത്തരവ് സംസ്ഥാന ധനകാര്യ വകുപ്പ് പുറത്തിറക്കി. തീരുമാനത്തിന് എതിരെ സര്‍വീസ് സംഘടനകള്‍ പ്രതിഷേധവുമായി രംഗത്തെത്തിയിട്ടുണ്ട്
പ്രധാന മാറ്റങ്ങൾ
പുതിയ പ്രീമിയം: മാസം 810 രൂപ (310 രൂപയുടെ വർധനവ്).
വാർഷിക തുക: 8237 രൂപയും ജി.എസ്.ടി.യും.
ഈടാക്കുന്ന രീതി: പെൻഷൻകാരുടെ പ്രീമിയം തുക പ്രതിമാസ പെൻഷനിൽ നിന്ന് നേരിട്ട് കുറയ്ക്കും.
നിലവിലെ പ്രീമിയം തുക അപര്യാപ്തമാണെന്ന വിലയിരുത്തലിനെത്തുടർന്നാണ് നിരക്ക് വർധിപ്പിക്കാൻ സർക്കാർ തീരുമാനിച്ചത്. അടുത്തമാസം ഒന്നു മുതല്‍ പുതിയ നിരക്ക് പ്രാബല്യത്തില്‍ വരും.
SUMMARY: MediSep premium hiked sharply; Monthly premium amount increased from Rs 500 to Rs 810
