ബെംഗളൂരു: കര്ണാടക പ്രീ-യൂണിവേഴ്സിറ്റി പരീക്ഷാ ഫലത്തില് ആര്ട്സ് വിഭാഗത്തില് സംസ്ഥാന തലത്തില് പതിനെട്ടാം റാങ്ക് കരസ്ഥമാക്കി മലയാളം മിഷന് പഠിതാവ് സ്നേഹ ജിസ്സോ. ബെംഗളൂരു മൗണ്ട് കാര്മല് പിയു കോളേജ് വിദ്യാര്ഥിനിയായ സ്നേഹ മലയാളം മിഷന് കര്ണാടക ചാപ്റ്ററിലെ ബെംഗളൂരു വെസ്റ്റ് മേഖലയിലെ അവസാന വര്ഷ നീലക്കുറിഞ്ഞി പഠിതാവാണ്. 2021ലെ പി. ടി. ഭാസ്കരപ്പണിക്കര് സ്മാരക ബാലശാസ്ത്ര പരീക്ഷയിലെ ബാലശാസ്ത്രപ്രതിഭയുമായിരുന്നു സ്നേഹ.
മലയാളം മിഷന് കര്ണാടക ചാപ്റ്ററിന്റെ ഫിനാന്സ് സെക്രട്ടറിയും ഐ. ടി. സംരംഭകനും ഇന്ഡിക് ഫൗണ്ടേഷന്റെ ഡയറക്ടറുമായ ജിസ്സോ ജോസ് ആണ് സ്നേഹയുടെ അച്ഛന്. ബെംഗളൂരുവിലെ ആര്. വി. യൂണിവേഴ്സിറ്റിയിലെ കംപ്യൂട്ടര് സയന്സ് ആന്ഡ് എഞ്ചിനീയറിംഗ് വിഭാഗത്തിന്റെ അസിസ്റ്റന്റ് പ്രൊഫസറുമായ ഡോ. മെറിന് തോമസ്സാണ് സ്നേഹയുടെ അമ്മ. കോവിഡ് കാലത്ത് മലയാളം മിഷന് അധ്യാപകര്ക്ക് ടെക്നോളജി സംബന്ധമായ ആഗോളപരിശീലന പരിപാടികള്ക്ക് ഡോ. മെറിന് നേതൃത്വം വഹിച്ചിട്ടുണ്ട്. കര്ണാടക മലയാളം മിഷന് ചാപ്റ്ററിലെ സീനിയര് അധ്യാപികയും റിസോഴ്സ് പേഴ്സണുമായ ത്രേസ്യാമ്മ ടീച്ചറുടെ കൊച്ചുമകള് കൂടിയാണ് സ്നേഹ.
SUMMARY: PUC exam results; Malayalam Mission student Sneha Jisso secures 18th rank in the state
