മലപ്പുറം: മഞ്ചേരിയില് യുവാവിനെ അജ്ഞാതർ തട്ടിക്കൊണ്ട് പോയതായി പരാതി. ചെങ്ങര സ്വദേശി അല്ഫയാദിനെയാണ് (21) കാണാതായത്. ഇന്നലെ രാത്രി 11.30 ഓടെയാണ് കാണാതായത്. ഇന്നോവ കാറിലെത്തിയ നാലംഗ സംഘമാണ് തട്ടിക്കൊണ്ടുപോയത്. പൂക്കുളത്തൂരില് വെച്ചാണ് തട്ടിക്കൊണ്ട് പോയത്.
മകന് എന്ത് പറ്റിയെന്ന് അറിയില്ലെന്നും മൊഴിയെടുക്കാൻ പോലീസ് വൈകിച്ചെന്നും അല്ഫയാദിന്റെ മാതാവ് സലീന ആരോപിച്ചു. എന്നാല് കുടുംബത്തിന്റെ ആരോപണം മഞ്ചേരി പോലീസ് നിഷേധിച്ചു. കേസില് അന്വേഷണം വേഗത്തില് തന്നെ ആരംഭിച്ചിട്ടുണ്ടെന്നും നടപടിക്രമങ്ങളില് യാതൊരുവിധ വീഴ്ചയും വന്നിട്ടില്ലെന്നും പോലീസ് വ്യക്തമാക്കി.
തട്ടിക്കൊണ്ടുപോകലിന് പിന്നില് സാമ്പത്തിക ഇടപാടുകളാകാം എന്നാണ് പോലീസ് പ്രാഥമികമായി സംശയിക്കുന്നത്. സംഭവം നടന്ന സ്ഥലത്ത് സിസിടിവി കാമറകള് ഇല്ലാത്തത് നിലവില് അന്വേഷണത്തിന് നേരിയ പ്രതിസന്ധി സൃഷ്ടിക്കുന്നുണ്ട്.
SUMMARY: Reported that a young man was kidnapped by unknown persons in Manjeri
