ബെംഗളൂരു: അങ്കോള – ഷിരൂർ ദേശീയപാതയിലുണ്ടായ മണ്ണിടിച്ചിലിൽ കാണാതായ കോഴിക്കോട് സ്വദേശി അർജുനായുള്ള തിരച്ചിൽ വെള്ളിയാഴ്ച പുനരാരംഭിക്കും. കാലാവസ്ഥ അനുകൂലമെങ്കിൽ ബുധനാഴ്ച ഡ്രഡ്ജർ ഗോവയിൽ നിന്നും പുറപ്പെടും. പ്രദേശത്തെ കാലാവസ്ഥ മെച്ചപ്പെടുന്നുവെന്നാണ് കാലാവസ്ഥ നിരീക്ഷണ കേന്ദ്രത്തിന്റെ (ഐഎംഡി) വിലയിരുത്തൽ.
ഗംഗാവലിപ്പുഴയിലെ ഒഴുക്ക് നിലവിൽ തിരച്ചിലിന് അനുകൂലമെന്നും വിലയിരുത്തലുണ്ട്. ഡ്രഡ്ജർ ഗോവയിൽ നിന്ന് ഷിരൂരിലേക്ക് ഡ്രഡ്ജർ എത്തിക്കാൻ 30-40 മണിക്കൂർ സമയം ആവശ്യമാണ്. നിലവിലെ കാലാവസ്ഥാ പ്രവചനം പ്രകാരം സെപ്റ്റംബർ 11 വരെ ഉത്തരകന്നഡയിലും കർണാടകയുടെ തീരദേശജില്ലകളിലും യെല്ലോ അലർട്ട് നിലനിൽക്കുന്നുണ്ട്.
സ്വകാര്യ ഡ്രഡ്ജിംഗ് കമ്പനിയുടെ ഡ്രഡ്ജർ ആണ് ടഗ് ബോട്ടിൽ സ്ഥലത്തേക്ക് കൊണ്ട് വരിക. ഈ തിരച്ചിലിന് ആവശ്യമായ എല്ലാ ചെലവുകളും വഹിക്കാൻ തയ്യാറാണെന്ന് മുഖ്യമന്ത്രി സിദ്ധരാമയ്യ അർജുന്റെ കുടുംബത്തിന് ഉറപ്പ് നൽകിയിരുന്നു.
TAGS: ARJUN | LANDSLIDE
SUMMARY: Rescue mission for arjun to continue by friday
