തിരുവനന്തപുരം: സപ്ലൈകോയുടെ ഈസ്റ്റര് – വിഷു ഫെയറുകള് നാളെ ആരംഭിക്കും. ഏപ്രില് 14 വരെയാണ് ചന്തകള് പ്രവര്ത്തിക്കുക. സപ്ലൈകോ സൂപ്പര് സ്റ്റോറുകള്, സൂപ്പര് മാര്ക്കറ്റുകള്, ഹൈപ്പര് മാര്ക്കറ്റുകള്, പീപ്പിള്സ് ബസാറുകള്, സ്ഗിനേച്ചര് മാര്ട്ടുകള് എന്നിവിടങ്ങളിലാണ് ചന്ത പ്രവര്ത്തിക്കുക. കൂടാതെ എല്ലാ സപ്ലൈകോ ഔട്ട്ലെറ്റുകളിലും 13 ഇന സബ്സിഡി സാധനങ്ങളുടെ ലഭ്യത ഉറപ്പു വരുത്തിയിട്ടുണ്ട്. ശബരി ഉത്പന്നങ്ങളും എഫ്എംസിജി ഉത്പന്നങ്ങളും പ്രത്യേക നിരക്കില് ലഭ്യമാക്കും.
1250 രൂപയുടെ 16 സാധനങ്ങളാണ് പ്രത്യേക വിഷുക്കണി കിറ്റില് ഉള്പ്പെടുത്തി 1001 രൂപയ്ക്ക് സപ്ലൈകോ നല്കുന്നത്. പഞ്ചസാര, ചെറുപയര്, വന്പയര്, കടല, ശര്ക്കര പൊടി, ശബരി (സേമിയ/പാലട) പായസം മിക്സ്, പായസക്കൂട്ട്, മില്മ നെയ്യ്, ശബരി വെളിച്ചെണ്ണ, ഗോള്ഡ് ചായപ്പൊടി, ജീരകം, കടുക്, ഉപ്പ്, പുട്ടുപൊടി/അപ്പംപൊടി, ചിക്കന് മസാല, ഗരം മസാല എന്നിവ അടങ്ങിയതാണ് കിറ്റ്. ദുഃഖ വെള്ളി, ഈസ്റ്റർ ദിവസങ്ങളിൽ ചന്തകൾ പ്രവർത്തിക്കില്ല.
സപ്ലൈകോ മെഡിക്കല് സ്റ്റോറുകളും പെട്രോള് ബങ്കുകളും എല്പിജി ഔട്ട്ലെറ്റുകളും ഒഴികെയുള്ള വിൽപ്പനശാലകളില് നിന്ന് 1000 രൂപയ്ക്ക് മുകളില് സബ്സിഡിയിതര സാധനങ്ങള് വാങ്ങുന്ന ഉപഭോക്താവിന് വിഷുക്കൈനീട്ടമായി 101 രൂപയുടെ കൂപ്പണ് ലഭിക്കും. ഈ കൂപ്പണ് ഏപ്രില് 16 മുതല് മേയ് 30 വരെ സപ്ലൈകോയുടെ ഏതെങ്കിലും വിൽപ്പനശാലകളില് നിന്ന് 1000 രൂപയ്ക്ക് മുകളില് സബ്സിഡിയിതര സാധനങ്ങള് വാങ്ങിയാല് കൂപ്പൺ തുക ഉപയോഗപ്പെടുത്താം.
സപ്ലൈകോ മാവേലി സ്റ്റോറുകള് ഒഴികെയുള്ള വിൽപ്പനശാലകളാണ് ഈസ്റ്റര് – വിഷു ഫെയറുകളായി മാറുന്നത്.
SUMMARY: Supplyco Easter – Vishu fairs to begin tomorrow
