ബെംഗളൂരു: ഗാന്ധിജി ഇന്ത്യന്‍ ചരിത്രത്താളുകളില്‍ നിന്ന് തുടച്ചുനീക്കപ്പെടുകയോ അപനിര്‍മ്മിക്കപ്പെടുകയോ ചെയ്യുന്ന കാലിക പ്രതിസന്ധിയില്‍ യഥാര്‍ത്ഥ ഗാന്ധിയെ വീണ്ടെടുത്ത് ഭാവി തലമുറയ്ക്ക് കൈമാറുക എന്നത് പൗരധര്‍മ്മമാണെന്നും,
മതത്തിന്റെ പേരിലുള്ള വേര്‍തിരിവുകളും സാമ്പത്തിക ഉച്ചനീചത്വങ്ങളും കൊണ്ട് ഗാന്ധിജിയുടെ സ്വന്തം നാടായ ഗുജറാത്തിന്റെ സ്ഥിതി വളരെ ദയനീയമാണെന്നും ആര്‍ വി ആചാരി.തിപ്പസാന്ദ്ര അസോസിയേഷന്‍ സംഘടിപ്പിച്ച സെമിനാറില്‍ സംസാരിക്കുകയായിരുന്നു അദ്ദേഹം.
ജിഡിപി ഊതി വീര്‍പ്പിച്ച് ലോകരാജ്യങ്ങളുടെ മുന്നില്‍ നാലാം സ്ഥാനത്ത് എത്തിക്കാനുള്ള തത്രപ്പാടില്‍ ഇന്ത്യയിലെ ബഹുഭൂരിഭാഗം പാവപ്പെട്ട ജനങ്ങളെയും കാണാതെ പോകുന്ന പുതിയ ഇന്ത്യയാണ് ഇന്നു നമ്മുട ഇന്ത്യ. പാവങ്ങളായി ജനിച്ചു പാവങ്ങളായി തന്നെ ജീവിച്ചു മരിക്കാന്‍ വിധിക്കപ്പെട്ട തെരുവു മനുഷ്യരുടെ നാടാണ് ഗുജറാത്തെന്നും. അവിടത്തെ ഗാന്ധി സ്മാരകങ്ങളിലൂടെ നടത്തിയ യാത്രയില്‍ കണ്ടതെല്ലാം ഗാന്ധിജി കണ്ട ഗ്രാമസ്വരാജ് സ്വപ്നങ്ങള്‍ക്കു വിരുദ്ധമാണെന്നും അദ്ദേഹം പറഞ്ഞു.
കൃഷ്ണമ്മ ടീച്ചര്‍ സെമിനാര്‍ ഉദ്ഘാടനം ചെയ്തു. പി മോഹന്‍ ദാസ് അധ്യക്ഷത വഹിച്ചു. തുടര്‍ന്നുള്ള ചര്‍ച്ചയില്‍ ടി. എം. ശ്രീധരന്‍, ബി. എസ്. ഉണ്ണികൃഷ്ണന്‍, ആര്‍.വി. പിള്ള, പ്രഭാകരന്‍ പിള്ള, എം.ബി. മോഹന്‍ദാസ്, കല്പന പ്രദീപ് എന്നിവര്‍ സംസാരിച്ചു പ്രദീപ് പി പി നന്ദി പറഞ്ഞു.
SUMMARY: Thipasandra Association Monthly Seminar
