ബെംഗളൂരു: സംസ്‌കാര വിമര്‍ശനവീഥികളിലൂടെ മുക്കാല്‍ നൂറ്റാണ്ട് കാലം ഏകനായി സഞ്ചരിച്ച എം.കെ.സാനു മാഷ് മലയാളിയുടെ നൈതികത ധാര്‍മ്മികത, സമഭാവന, പുരോഗമന സങ്കല്‍പ്പങ്ങള്‍ എന്നിവ യുടെ മറുനാമമാണെന്ന് എഴുത്തുകാരന്‍ കെ. ആര്‍ കിഷോര്‍ അഭി പ്രായപ്പെട്ടു. തിപ്പസാന്ദ്ര ഫ്രണ്ട്‌സ് അസോസിയേഷന്‍ സംഘ ടിപ്പിച്ച എംകെസാനു അനുസ്മരണ യോഗത്തില്‍ സംസാരിക്കുകയായിരുന്നു അദ്ദേഹം.
കൃതി വിനിമയം ചെയ്യുന്ന പാഠത്തെ ആത്മലയന ത്തിലൂടെ ആസ്വദിച്ചു, കാലം, സമൂഹം, രാഷ്ട്രീയം എന്നീ നാഡീ ഞരമ്പുകളിലൂടെ സഞ്ചരിക്കുന്ന പുന:സൃഷ്ടികളായിരുന്നു സാനു മാഷിന്റെ നിരൂപണങ്ങള്‍. ഖണ്ഡന മണ്ഡനങ്ങളെ നിരാകരിക്കുന്ന ഈ രചനാരീതിയിലൂടെ മലയാള നിരൂപണശാഖയെ കൂടുതല്‍ സര്‍ഗ്ഗര്‍ത്മ കമാക്കാന്‍ സാനുമാഷിനു കഴിഞ്ഞു. അദ്ദേഹം തുടര്‍ന്നു പറഞ്ഞു.
കേവലം സംഭവവിവരണങ്ങളില്‍ നിന്നും വ്യത്യസ്തമായി,ജീവചരിത്രം എഴുതപ്പെടുന്ന വ്യക്തിയെയും ആ വ്യക്തിയുടെ കലാസാഹിത്യ സംഭാവനകളെയും സമഗ്രമായി പഠിച്ചു ലാവണ്യ ഭാഷയില്‍ തീര്‍ക്കുന്ന അക്ഷരശില്പ നിര്‍മ്മിതിയിലൂടെ,ജീവചരിത്രശാഖയെയും അദ്ദേഹം കൂടുതല്‍ സര്‍ഗ്ഗാത്മകമാക്കുകയാണ് ഉണ്ടായത്. കൃതിയുടെ ആസ്വാദന ത്തിന്റെ പ്രാഥമിക തലങ്ങളെ ഭേദിച്ചു ഉന്നതങ്ങളില്‍ നിന്നും ഒഴുകുന്ന സര്‍ഗ്ഗത്മക ബഹിര്‍ഗമനമാണ് സാനുമാഷിന്റെ വിമര്‍ശനമെന്ന് ചര്‍ച്ച ഉദ്ഘാടനം ചെയ്തുകൊണ്ടു സാംസ്‌കാരിക പ്രവര്‍ത്തകയായ രതി സുരേഷ് അഭിപ്രായപ്പെട്ടു.
കെ.മോഹന്‍ദാസ് അധ്യക്ഷത വഹിച്ചു. നളിനി ആന്‍ സാനുമാഷിന്റെ ജീവിതരേഖ അവതരിപ്പിച്ചു. തുടര്‍ന്നുള്ള ചര്‍ച്ചയില്‍ ആര്‍.വി.ആചാരി, കെ. പി. ഗോപാലകൃഷ്ണന്‍, കെ.ചന്ദ്രശേഖരന്‍നയര്‍, ബി.എസ്. ഉണ്ണികൃഷ്ണന്‍, ഉമേഷ് ശര്‍മ്മ, സി. കുഞ്ഞപ്പന്‍, ആര്‍.വി. പിള്ള, ശ്രീകണ്ഠന്‍ നായര്‍, രാധ ടീച്ചര്‍ എന്നിവര്‍ ചര്‍ച്ചയില്‍ പങ്കെടുത്തു പ്രസംഗിച്ചു. ഇ.ആര്‍ പ്രഹ്ലാദന്‍, ആര്‍.വി. പിള്ള, പി. മോഹന്‍ദാസ് എന്നിവര്‍ ഗാനങ്ങള്‍ ആലപിച്ചു. സെക്രട്ടറി പ്രദീപ്. പി. പി നന്ദി പറഞ്ഞു.
SUMMARY: Thippasandra Friends Asosciation seminar
