ബെംഗളൂരു: ലോക്സഭാ തിരഞ്ഞെടുപ്പിൻ്റെ വോട്ടെണ്ണൽ ബെംഗളൂരുവിൽ മൂന്ന് കേന്ദ്രങ്ങളിലായി നടക്കും. ജൂൺ നാലിനാണ് വോട്ടെണ്ണൽ നടക്കുന്നത്. മൗണ്ട് കാർമൽ കോളേജ്, പാലസ് റോഡ് (വസന്ത് നഗർ), സെൻ്റ് ജോസഫ് കോളേജ്, വിട്ടൽ മല്യ റോഡ് (ബെംഗളൂരു നോർത്ത്), എസ്എസ്എംആർവി കോളേജ്, ജയനഗർ (ബെംഗളൂരു സൗത്ത്) എന്നിവിടങ്ങളിലാണ് വോട്ടെണ്ണൽ കേന്ദ്രം സജ്ജീകരിച്ചിരിക്കുന്നത്.
വോട്ടെണ്ണൽ കേന്ദ്രങ്ങൾക്ക് സമീപം അനിഷ്ട സംഭവങ്ങൾ ഉണ്ടാകാതിരിക്കാൻ ഉചിതമായ നടപടികൾ സ്വീകരിക്കണമെന്ന് ബിബിഎംപി ചീഫ് കമ്മീഷണർ തുഷാർ ഗിരിനാഥ് ഉദ്യോഗസ്ഥർക്ക് നിർദ്ദേശം നൽകി. തിരഞ്ഞെടുപ്പ് കമ്മീഷൻ്റെ മാർഗ്ഗനിർദ്ദേശങ്ങൾ അനുസരിച്ച് വോട്ടെണ്ണൽ കേന്ദ്രങ്ങളിൽ സിസിടിവി കാമറകൾ സ്ഥാപിക്കുകയും, വീഡിയോ ഷൂട്ടിംഗ് ഏർപ്പെടുത്തുകയും ചെയ്യും. പോസ്റ്റൽ ബാലറ്റുകളുടെ എണ്ണൽ കൃത്യമായി നടത്തണമെന്ന് അദ്ദേഹം നിർദേശിച്ചു. ആവശ്യമായ കുടിവെള്ളം, ടോയ്ലറ്റ് സൗകര്യങ്ങൾ, മീഡിയ സെൻ്ററുകൾ എന്നിവ സജ്ജീകരിക്കാനും തുഷാർ ഗിരിനാഥ് ഉദ്യോഗസ്ഥർക്ക് നിർദ്ദേശം നൽകി. സുരക്ഷയ്ക്കായി പോലീസുകാരെയും വിന്യസിച്ചിട്ടുണ്ട്.
TAGS: BENGALURU UPDATES, KARNATAKA POLITICS
KEYWORDS: Three vote counting centres set up in bengaluru
