ബെംഗളൂരു: ശിവാജിനഗർ സെൻ്റ് മേരീസ് പള്ളിയിലെ തിരുനാളിന് മുന്നോടിയായി സെപ്റ്റംബർ എട്ടിന് ഗതാഗത നിയന്ത്രണം ഏർപ്പെടുത്തിയതായി സിറ്റി ട്രാഫിക് പോലീസ് അറിയിച്ചു. എട്ടിന് ഉച്ചയ്ക്ക് 10 മുതൽ രാത്രി 10 വരെയാണ് ഗതാഗത നിയന്ത്രണം.
ജ്യോതി കഫേ മുതൽ റസൽ മാർക്കറ്റ് വരെയും ബ്രോഡ്‌വേ റോഡ് മുതൽ റസൽ മാർക്കറ്റ് വരെയും വാഹനങ്ങൾക്ക് സമ്പൂർണ നിരോധനം ഏർപ്പെടുത്തും. എല്ലാ വാഹനങ്ങളും ധർമ്മരാജ കോയിൽ സ്ട്രീറ്റിലേക്ക് പ്രവേശിക്കുന്നത് നിയന്ത്രിക്കും. ഓൾഡ് പവർ ഹൗസ് റോഡിൽ നിന്ന് റസൽ മാർക്കറ്റിലേക്കും താജ് സർക്കിളിലേക്കും പോകുന്ന ജംഗ്ഷനിലും ഗതാഗത നിയന്ത്രണം ഏർപ്പെടുത്തും.
കബ്ബൺ റോഡിൽ ബിആർവി ജംഗ്ഷനിൽ നിന്ന് ശിവാജിനഗർ ബസ് സ്റ്റാൻഡിലേക്കുള്ള റൂട്ടിലും നിയന്ത്രണമുണ്ട്. ബിഎംടിസി ബസുകളും ഈ റൂട്ടിൽ ഉപയോഗിക്കുന്നതിന് നിയന്ത്രണമുണ്ട്. ബാലേകുന്ദ്രി സർക്കിളിൽ നിന്ന് ശിവാജിനഗർ ബസ് സ്റ്റാൻഡിലേക്ക് വാഹനങ്ങൾ കടത്തിവിടില്ല.
റസൽ മാർക്കറ്റ്, ബ്രോഡ്‌വേ റോഡ്, കണ്ണിംഗ്ഹാം റോഡ്, യൂണിയൻ സ്ട്രീറ്റ്, എം.ജി. റോഡ്, കാമരാജ് റോഡ്, സഫീന പ്ലാസ എന്നിവിടങ്ങളിൽ പാർക്കിംഗ് സ്ഥലങ്ങൾ ക്രമീകരിച്ചിട്ടുണ്ട്. ഡിക്കൻസൺ റോഡിലെ ആർ.ബി.എ.എൻ.എം.എസ് ഗ്രൗണ്ടും മുസ്‌ലിം ഓർഫനേജും പാർക്കിങ് ഏരിയയായി പ്രവർത്തിക്കും. കബ്ബൺ റോഡ്, കിംഗ്സ് റോഡ്, ക്വീൻസ് റോഡ് എന്നിവിടങ്ങളിൽ ബിഎംടിസി ബദൽ ബസ് സ്റ്റോപ്പുകൾ സ്ഥാപിച്ചിട്ടുണ്ട്.
#ಸಂಚಾರಸಲಹೆ#TrafficAdvisory @DgpKarnataka @KarnatakaCops @CPBlr @Jointcptraffic @BlrCityPolice @blrcitytraffic @acpeasttraffic @acpwfieldtrf @snagartrps @ftowntrfps @kghallitrfps @bwaditrafficps @halasoortrfps @jbnagartrfps @cparktrafficps @acpcentraltrf @ashoknagartrfps pic.twitter.com/YCLwdHCuBu
— DCP Traffic East ಉಪ ಪೊಲೀಸ್ ಆಯುಕ್ತರು ಸಂಚಾರ ಪೂರ್ವ (@DCPTrEastBCP) September 6, 2024
TAGS: BENGALURU | TRAFFIC DIVERSION
SUMMARY: Traffic restrictions in Bengaluru for St. Mary’s Feast
