ബെംഗളൂരു: കേരള നിയമസഭാ തിരഞ്ഞെടുപ്പില്‍ യുഡിഎഫ് നടത്തിയ വമ്പന്‍ തിരിച്ചുവരവ് ആഘോഷിച്ച് യു.ഡി.എഫ് കര്‍ണാടക. കേക്ക് മുറിച്ചു മധുര പലഹാരങ്ങള്‍ വിതരണം ചെയ്തു യുഡിഎഫ് നേതാക്കള്‍ വിജയം ആഘോഷിച്ചു.
മജസ്റ്റിക്കില്‍ നടന്ന വിജയാഹ്ലാദയോഗം യുഡിഎഫ് കര്‍ണാടക വൈസ് ചെയര്‍മാന്‍ ടി. സി. സിറാജ് ഉദ്ഘാടനം ചെയ്തു. റഹീം ചാവശ്ശേരി, അബ്ദുല്ലത്തീഫ് ഹാജി, അലക്‌സ് ജോസഫ്, ഡോ. നകുല്‍, സുബൈര്‍ കായക്കൊടി, അഡ്വക്കേറ്റ് പ്രമോദ് വദപ്രത്ത് എന്നിവര്‍ സംസാരിച്ചു. യുഡിഎഫ് കര്‍ണാടക ട്രഷറര്‍ ജയ്‌സണ്‍ ലൂക്കോസ് അധ്യക്ഷത വഹിച്ചു
കേരളത്തിലെ തിരഞ്ഞെടുപ്പുമായി ബന്ധപ്പെട്ട് യുഡിഎഫ് കര്‍ണാടകയുടെ നേതൃത്വത്തില്‍ വിപുലമായ പ്രചരണ പരിപാടികള്‍ നേരത്തെ സംഘടിപ്പിച്ചിരുന്നു. കേരളത്തില്‍ നിന്നും നേതാക്കന്മാരെ പങ്കെടുപ്പിച്ചുകൊണ്ട് വിവിധ കണ്‍വെന്‍ഷനുകള്‍ നടത്തുന്നതോടൊപ്പം വിവിധ നിയോജക മണ്ഡലങ്ങള്‍ കേന്ദ്രീകരിച്ചുകൊണ്ട് വോട്ടര്‍മാരെ കേരളത്തിലേക്ക് അയക്കാനുള്ള പ്രവര്‍ത്തനങ്ങളും ഏകോപിപ്പിച്ചു. ബെംഗളൂരുവില്‍ നിന്നും കേരളത്തിന്റെ വിവിധ മണ്ഡലങ്ങളിലേക്ക് 4000 ത്തോളം വോട്ടര്‍മാരെ ബസ്, ട്രെയിന്‍ വഴി നാട്ടിലേക്ക് അയക്കുകയുണ്ടായി.
കേരളത്തില്‍ യുഡിഎഫ് നേടിയ ചരിത്ര വിജയത്തില്‍ പങ്കാളികളായ കര്‍ണാടകയില്‍ നിന്നുള്ള എല്ലാ വോട്ടര്‍മാര്‍ക്കും യുഡിഎഫ് കര്‍ണാടക നന്ദി അറിയിച്ചു.
SUMMARY: UDF Karnataka celebrates stunning victory in Kerala
