തിരുവനന്തപുരം: പൊന്മുടിയിൽ വിനോദയാത്രയ്ക്ക് പോയ സംഘം സഞ്ചരിച്ചിരുന്ന കാർ നിയന്ത്രണം വിട്ട് താഴ്ചയിലേക്ക് മറിഞ്ഞ് ഏഴ് വയസുകാരിക്ക് ദാരുണാന്ത്യം. കല്ലറ സ്വദേശി അനീഷ് – ഷാലു ദമ്പതികളുടെ മകൾ ത്രയ നന്ദയാണ് മരിച്ചത്.
പൊന്മുടി കണ്ട് തിരികെ വരുന്നവഴി കല്ലാർ ചെക്ക് പോസ്റ്റിന് താഴെ 35 അടി കുഴിയിലേക്കാണ് കാർ മറിഞ്ഞത്. വാഹനത്തിൽ ഉണ്ടായിരുന്ന കല്ലറ വളക്കുഴി പച്ച ശ്രീശൈലത്തിൽ അനൂപ് (47), അനു (38), നിവേദ് (13), തീർത്ഥ (17), കല്ലറ തറട്ട അഖിന ഭവനിൽ ലതിക മകൾ അഖിന (17) പാങ്ങോട് മൂന്ന് മുക്ക് ബോസ് നിവാസിൽ ഷൈനി മകൾ ഗോപിക (17) എന്നിവരെ പരിക്കുകളോടെ വിതുര താലൂക്ക് ആശുപത്രിയിൽ പ്രവേശിപ്പിച്ചു.
ത്രയ നന്ദയുടെ മൃതശരീരം നിലവിൽ വിതുര താലൂക്ക് ആശുപത്രി മോർച്ചറിയിൽ.
SUMMARY: Vehicle accident in Ponmudi: Seven-year-old girl falls 35 feet; tragic end for her
