നിലമ്പൂർ: പാലാങ്കരയില് ആള്മറയില്ലാത്ത കിണറ്റില് കാട്ടാന വീണു. ജനവാസ മേഖലയോട് ചേർന്ന കൃഷിയിടത്തിലെ ആള്മറയില്ലാത്ത കിണറ്റില് വീഴുകയായിരുന്നു. കാട്ടാനയെ മണിക്കൂറുകള് നീണ്ട പ്രയത്നത്തിനൊടുവിലാണ് സുരക്ഷിതമായി പുറത്തെത്തിച്ചത്. നിലമ്പൂർ കരുളായി പാലാങ്കര വലിയ പാലത്തിന് സമീപമുള്ള സ്വകാര്യ വ്യക്തിയുടെ തോട്ടത്തിലെ കിണറ്റിലാണ് കാട്ടാന വീണത്.
കൃഷിയിടത്തില് നിന്നും കാട്ടാനയുടെ ഉച്ചത്തിലുള്ള ചിഹ്നം വിളി കേട്ട നാട്ടുകാരാണ് വിവരം ആദ്യം അറിഞ്ഞത്. തുടർന്ന് നടത്തിയ പരിശോധനയിലാണ് ആഴമേറിയ കിണറ്റില് ആന അകപ്പെട്ടതായി കണ്ടെത്തിയത്. ഉടൻ തന്നെ പ്രദേശവാസികള് വനംവകുപ്പ് അധികൃതരെ വിവരമറിയിക്കുകയായിരുന്നു.
SUMMARY: Wild elephant falls into an unguarded well in Palankara
