കണ്ണൂര്: പൊതുശൗചാലയത്തില്27 കാരനെ മരിച്ച നിലയില് കണ്ടെത്തി. കണ്ണൂർ നഗരത്തിന് സമീപം ബർണ്ണശ്ശേരിയിലെ പൊതുശൗചാലയത്തിലാണ് മൃതദേഹം കണ്ടെത്തിയത്. അഴീക്കോട് മീൻകുന്ന് ആനിവയല് സ്വദേശി അജ്നാസ് (27) ആണ് മരിച്ചത്. ചുമരില് ചാരി ഇരുന്ന നിലയില് കണ്ടെത്തിയ മൃതദേഹത്തില് പരുക്കുകള് ഉണ്ടായിരുന്നു.
മരണത്തില് ദുരൂഹതയുള്ളതിനാല് സിറ്റി പോലീസ് അന്വേഷണം ആരംഭിച്ചു. ശനിയാഴ്ച രാവിലെയാണ് സംഭവം. ശൗചാലയത്തില് എത്തിയവരാണ് മൃതദേഹം കണ്ടത്. ഉടന് തന്നെ പോലീസിനെ വിവരമറിയിക്കുകയായിരുന്നു. പോലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കി.
തുടർന്ന് ശേഷം മൃതദേഹം പോസ്റ്റ്മോര്ട്ടത്തിനായി കണ്ണൂര് ജില്ലാ ആശുപത്രി മോര്ച്ചറിയിലേക്ക് മാറ്റി. പോസ്റ്റ്മോര്ട്ടം റിപ്പോര്ട്ട് ലഭിച്ചാല് മാത്രമേ കൂടുതല് വിവരങ്ങള് വ്യക്തമാകൂ. സമീപത്തെ സിസിടിവി ദൃശ്യങ്ങളും പോലീസ് പരിശോധിക്കുന്നുണ്ട്.
SUMMARY: Youth found dead in public toilet in Kannur
