കീം 2025-26 അധ്യയന വർഷത്തെ എൻജിനിയറിങ്, ഫാർമസി കോഴ്സുകളിലേയ്ക്കുള്ള കമ്പ്യൂട്ടർ അധിഷ്ഠിത (CBT) പ്രവേശന പരീക്ഷ ഏപ്രില് 23 മുതല് 29 വരെ സംസ്ഥാനത്തെ എല്ലാ ജില്ലകളിലെ പരീക്ഷാ കേന്ദ്രങ്ങളിലെയും ദുബായ്, ഡല്ഹി, മുംബൈ, ചെന്നൈ, ബംഗളുരു എന്നിവിടങ്ങളിലെയും 138 പരീക്ഷാ കേന്ദ്രങ്ങളില് നടക്കും.
എൻജിനിയറിങ് കോഴ്സിനു 97,759 വിദ്യാർഥികളും, ഫാർമസി കോഴ്സിനു 46,107 വിദ്യാർഥികളും പ്രവേശന പരീക്ഷയ്ക്ക് അപേക്ഷിച്ചിട്ടുണ്ട്. എൻജിനിയറിങ് പരീക്ഷ 23നും, 25 മുതല് 29 വരെ ഉച്ചയ്ക്ക് 2 മുതല് വൈകുന്നേരം 5 വരെ നടക്കും. ഫാർമസി പരീക്ഷ 24ന് 11.30 മുതല് 1 വരെയും (സെഷൻ 1) ഉച്ചയ്ക്ക് 3.30 മുതല് വൈകുന്നേരം 5 വരെയും (സെഷൻ 2) 29ന് രാവിലെ 10 മുതല് 11.30 വരെയും നടക്കും.
വിദ്യാർഥികള് അഡ്മിറ്റ് കാർഡ് കൂടാതെ ഡ്രൈവിംഗ് ലൈസൻസ്, പാസ്പോർട്ട്, പാൻ കാർഡ്, ഇലക്ഷൻ ഐ.ഡി., ഫോട്ടോ പതിച്ച ഹാള്ടിക്കറ്റ്, വിദ്യാർഥി പ്ലസ് ടു പഠനം പൂർത്തിയാക്കിയ സ്ഥാപന മേധാവി നല്കുന്ന വിദ്യാർഥിയുടെ ഫോട്ടോ സാക്ഷ്യപ്പെടുത്തിയ സർട്ടിഫിക്കറ്റ് അല്ലെങ്കില് ഒരു ഗസറ്റഡ് ഓഫീസർ നല്കുന്ന ഫോട്ടോ സാക്ഷ്യപ്പെടുത്തിയ സർട്ടിഫിക്കറ്റ് എന്നിവയില് ഏതെങ്കിലും ഒരു തിരിച്ചറിയല് രേഖ കരുതണം. അഡ്മിറ്റ് കാർഡുകള് പ്രവേശന പരീക്ഷാ കമ്മീഷണറുടെ വെബ്സൈറ്റില് (www.cee.kerala.gov.in) ലഭ്യമാണ്. ഹെല്പ് ലൈൻ നമ്പർ: 0471 2525300, 2332120, 2338487.
TAGS : KEAM-2025
SUMMARY : KEEM 2025; Entrance exam from 23rd
