ബെംഗളൂരു: തിരഞ്ഞെടുപ്പിൽ ജയിച്ചതിന്റെ ആഘോഷത്തിനിടെ ബിജെപി പ്രവർത്തകരെ ആക്രമിച്ച സംഭവത്തിൽ അഞ്ച് പേർ പിടിയിൽ. മംഗളൂരുവിലാണ് സംഭവം. സ്കൂട്ടറിൽ പോയവരെ ഒരു കൂട്ടം ആളുകൾ പിന്തുടർന്ന് ആക്രമിക്കുകയായിരുന്നു. ഹരീഷ്(41), നന്ദകുമാർ(24) എന്നിവർക്കാണ് വെട്ടേറ്റത്.
സംഭവത്തിൽ മുഹമ്മദ് ഷാക്കിർ (28), അബ്ദുൾ റസാഖ് (40), അബൂബക്കർ സിദ്ദിഖ് (35), സവാദ് (18), മോനു എന്ന ഹഫീസ് (24) എന്നിവർ അറസ്റ്റിലായി. ആക്രമണത്തിൽ മുപ്പതോളം പേർക്ക് പങ്കുണ്ടെന്ന് പോലീസ് കമ്മീഷണർ അനുപം അഗർവാൾ പറഞ്ഞു. വിജയാഘോഷത്തിനിടെ യുവാക്കൾ ഭാരത് മാതാ കി ജയ് വിളിച്ചതാണ് പ്രതികളെ പ്രകോപിതരാക്കിയത്. സംഭവത്തിന്റെ സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം പുരോഗമിക്കുകയാണെന്ന് അനുപം അഗർവാൾ വ്യക്തമാക്കി.
TAGS: KARNATAKA| ATTACK| BJP
SUMMARY: Five arrested attacking bjp workers in mangalore
