ബെംഗളൂരു: മതസ്പർദ്ധ ഉണ്ടാക്കുന്ന തരത്തിൽ വ്യാജ വാർത്ത പ്രചരിപ്പിച്ചതിനെതിരെ പരാതി നൽകി മുഖ്യമന്ത്രി സിദ്ധരാമയ്യ. പ്രഭാകർ റെഡ്ഡി, വസന്ത് ഗിലിയാർ, വിജയ് ഹെരാഗു, പാണ്ഡു എന്നീ സോഷ്യൽ മീഡിയ അക്കൗണ്ടുകൾക്കെതിരെയാണ് പരാതി.
ഈ പേരുകളിലുള്ള ട്വിറ്റർ, ഫേസ്‌ബുക്ക്, വാട്ട്‌സ്ആപ്പ് ഹാൻഡിലുകളിൽ മാത്‍സ്പർദ്ധ സൃഷ്ടിക്കുന്ന തരത്തിലുള്ള വാർത്തകൾ പോസ്റ്റ്‌ ചെയ്തിരുന്നു. കോൺഗ്രസിന് ഹിന്ദുക്കളെ ആവശ്യമില്ല, മുസ്ലീം വോട്ടുകൾ മതി: സിദ്ധരാമയ്യ എന്ന തലക്കെട്ടുള്ള കന്നഡ വാർത്തയാണ് വലിയതോതിൽ പ്രചരിക്കപ്പെട്ടത്. അടുത്ത ജന്മത്തിൽ മുസ്ലീമായി ജനിക്കാൻ സിദ്ധരാമയ്യ ആഗ്രഹിക്കുന്നുവെന്നും വാർത്തയിളുണ്ട്. കർണാടക പ്രദേശ് കോൺഗ്രസ് കമ്മിറ്റി ലീഗൽ സെൽ സെക്രട്ടറി ഹരീഷ് നാഗരാജ് മുഖ്യമന്ത്രിക്ക് വേണ്ടി പോലീസിൽ പരാതി നൽകിയത്. സംഭവത്തിൽ കേസെടുത്ത പോലീസ്, ഇതിന് പിന്നിൽ നിക്ഷിപ്ത താൽപര്യമുള്ളവരെ കുറിച്ച് വിവരം ലഭിച്ചിട്ടുണ്ടെന്നും ആവശ്യമായ നടപടി സ്വീകരിക്കുമെന്നും പറഞ്ഞു.
The post വ്യാജ വാർത്ത പ്രചരിപ്പിച്ചതിനെതിരെ പരാതി നൽകി സിദ്ധരാമയ്യ appeared first on News Bengaluru.
Powered by WPeMatico
