കൊച്ചി: മിഹിര് അഹമ്മദിന്റെ മരണത്തിന് പിന്നാലെ എറണാകുളം തിരുവാണിയൂര് ഗ്ലോബല് പബ്ലിക് സ്കൂളിനെതിരെ ആരോപണങ്ങളുമായി നിരവധി മാതാപിതാക്കള് രംഗത്തെത്തിയതായി വിദ്യാഭ്യാസ മന്ത്രി വി ശിവന്കുട്ടി. സ്കൂളിനെതിരെ കൂടുതല് റാഗിങ്ങ് പരാതികള് കിട്ടിയതായി മന്ത്രി പറഞ്ഞു.
ഈ സ്കൂളില് വച്ച് ഭീകരമായ റാഗിങ്ങ് അനുഭവങ്ങള് നേരിടേണ്ടി വന്നു. ആത്മഹത്യയുടെ വക്കുവരെ എത്തിയ മകന്റെ പരാതി സ്കൂള് അധികൃതര് അവഗണിച്ചതോടെ ടി സി വാങ്ങി കുട്ടിയെ മറ്റൊരു സ്കൂളിലേയ്ക്ക് ചേര്ക്കേണ്ടി വന്നതായും ഒരു രക്ഷിതാവിന്റെ പരാതിയില് പറയുന്നതായും മന്ത്രി കൂട്ടിച്ചേര്ത്തു.
മിഹിറിന്റെ മരണത്തില് അന്വേഷണം തുടരുകയാണെന്നും അദ്ദേഹം വ്യക്തമാക്കി. അതേസമയം റാഗിംങ്ങ് സംബന്ധിച്ച പരാതി സ്കൂള് അധികൃതര് നിഷേധിക്കുകയാണ് ചെയ്തതെന്ന് വിദ്യാഭ്യാസ മന്ത്രി പറഞ്ഞു. ഗ്ലോബല് പബ്ലിക് സ്കൂള് പ്രവര്ത്തിക്കാനുള്ള എന്ഒസി ഹാജരാക്കാന് പൊതുവിദ്യാഭ്യാസ വകുപ്പ് നിര്ദേശം നല്കിയിരുന്നു. എന്നാല് ഇതുവരെ സ്കൂള് അധികൃതര് എന്ഒസി ഹാജരാക്കിയിട്ടില്ലെന്ന് മന്ത്രി പറഞ്ഞു.
TAGS : LATEST NEWS
SUMMARY : More parents against global school; Complaint that children were victims of brutal ragging
