കൊച്ചി: തിരുവാങ്കുളത്ത് സ്കൂളിലേക്ക് പോകാനായി വീട്ടില് നിന്നിറങ്ങിയ പ്ലസ് വണ് വിദ്യാർഥനിയെ പാറമടയില് മരിച്ച നിലയില് കണ്ടെത്തി. ശാസ്താംമുകള് കിണറ്റിങ്കല് വീട്ടില് മഹേഷിന്റെ മകള് ആദിത്യ (16) ആണ് മരിച്ചത്. രാവിലെ ഒമ്പത് മണിയോടെ ശാസ്താംമുകള് ഭാഗത്തെ പാറമടയിലാണ് മൃതദേഹം കണ്ടെത്തിയത്.
രാവിലെ പതിവുപോലെ സ്കൂളിലേക്ക് പോകുകയാണെന്ന് പറഞ്ഞാണ് ആദിത്യ വീട്ടില് നിന്നും ഇറങ്ങിയത്. സ്കൂള് യൂണിഫോം ധരിച്ച നിലയിലായിരുന്നു മൃതദേഹം. പാറമടയുടെ കരയില് സ്കൂള് ബാഗ് ഇരിക്കുന്നത് കണ്ട് സംശയം തോന്നിയ സമീപവാസികള് നടത്തിയ പരിശോധനയിലാണ് മൃതദേഹം വെള്ളത്തില് പൊങ്ങിക്കിടക്കുന്നത് കണ്ടത്. ബാഗിനുള്ളില് ഉച്ചഭക്ഷണവും ഉണ്ടായിരുനെന്നാണ് പോലീസ് പറയുന്നത്.
വിവരമറിഞ്ഞ ഉടൻതന്നെ വാർഡ് മെമ്പർ ചോറ്റാനിക്കര പോലീസിനെ വിവരമറിയിച്ചു. പോലീസ് സ്ഥലത്തെത്തി പ്രാഥമിക നടപടികള് സ്വീകരിച്ച ശേഷം മൃതദേഹം പോസ്റ്റ്മോർട്ടത്തിനായി കളമശ്ശേരി മെഡിക്കല് കോളേജിലേക്ക് മാറ്റി. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.
SUMMARY: A student who went to school this morning was found dead in a rock
