ബെംഗളൂരു: സിൽക്ക് ബോർഡ് ജങ്ഷനെ റാഗിഗുഡ്ഡയുമായി ബന്ധിപ്പിക്കുന്ന ബെംഗളൂരു നഗരത്തിലെ ആദ്യത്തെ ഡബിൾ ഡെക്കർ ഫ്ലൈവോവറിൻ്റെ നിർമാണം അവസാനഘട്ടത്തിലേക്ക്.ഫെബ്രുവരി അവസാനം ഫ്ലൈവോവർ പൂർണ്ണമായും ഗതാഗതത്തിനായി തുറക്കുമെന്ന് അധികൃതർ അറിയിച്ചു.
റാഗിഗുഡ്ഡ മുതൽ സിൽക്ക് ബോർഡ് വരെ നീളുന്ന മേൽപ്പാലം 449 കോടി രൂപ ചെലവിലാണ് നിർമിച്ചത്. 42 മീറ്റർ നീളമുള്ള സ്റ്റീൽ ഗർഡർ ഘടന ഉപയോഗിച്ചാണ് നിർമാണം നടത്തിയത്. എച്ച്.എസ്.ആർ- ബി.ടി.എം. മേഖലകളെ ബന്ധിപ്പിക്കുന്ന ഈ ഫ്ലൈവോവർ നഗരത്തിലെ ഏറ്റവും തിരക്കേറിയ സിൽക്ക് ബോർഡ് മേഖലയിലെ ഗതാഗതക്കുരുക്ക് കുറയ്ക്കാൻ സഹായിക്കുമെന്നാണ് പ്രതീക്ഷ. പദ്ധതി യാഥാര്‍ത്യമാകുന്നതോടെ നഗരത്തിലെ ഗതാഗതം കൂടുതൽ സുഗമമാകുമെന്നാണ് വിലയിരുത്തലാണുള്ളത്.
SUMMARY:Bengaluru’s first double-decker flyover to become operational by the end of February
