കൊച്ചി: എറണാകുളം തിരുവാണിയൂരില് യുവതിക്ക് നേരെ സദാചാര ആക്രമണം. ജോലി കഴിഞ്ഞ് ആണ്സുഹൃത്തിനൊപ്പം വീട്ടിലേക്ക് മടങ്ങുകയായിരുന്ന കൊല്ലം സ്വദേശിനിയായ യുവതിയെ ഒരു സംഘം ആക്രമിക്കുകയും ക്രൂരമായി മര്ദിക്കുകയും ചെയ്തു. യുവതിയുടെ മുഖത്ത് അടിക്കുകയും നിലത്തിട്ട് ചവിട്ടുകയും ചെയ്തതായി പോലീസ് എഫ്ഐആറില് പറയുന്നു.
ജോലി കഴിഞ്ഞ് മടങ്ങുന്നതിനിടെ വഴിയില് തടഞ്ഞ സംഘം, “ഇവിടെ വേഷംകെട്ടല് എടുക്കുകയാണോ” എന്ന് ചോദിച്ചുകൊണ്ടാണ് ആക്രമണം ആരംഭിച്ചതെന്ന് യുവതി പറഞ്ഞു. ഗുരുതര പരുക്കേറ്റ യുവതി നിലവില് കൊല്ലത്തെ ആശുപത്രിയില് ചികിത്സയിലാണ്. സംഭവത്തിന് ശേഷം ആശുപത്രിയിലേക്ക് കൊണ്ടുപോകാന് എത്തിയ ഓട്ടോറിക്ഷാ ഡ്രൈവറെ ആക്രമണസംഘം ഭീഷണിപ്പെടുത്തിയതായും പരാതിയുണ്ട്.
തുടര്ന്ന് ചോറ്റാനിക്കര പോലീസ് സ്ഥലത്തെത്തി യുവതിയെ ആശുപത്രിയില് എത്തിച്ചു. സംഭവത്തില് പുത്തന്കുരിശ് പോലീസ് ഒമ്പത് പേര്ക്കെതിരെ കേസെടുത്തു. മണിക്കുട്ടന്, ബിബിന്, ബേബി എന്നിവര്ക്കൊപ്പം കണ്ടാല് തിരിച്ചറിയാവുന്ന ആറുപേരും പ്രതികളാണ്. എന്നാല് കേസെടുത്തതല്ലാതെ ഇതുവരെ അറസ്റ്റ് ഉണ്ടായിട്ടില്ലെന്ന് യുവതിയും ബന്ധുക്കളും ആരോപിക്കുന്നു.
SUMMARY: Moral assault on young woman; Case filed against nine people
