ബെംഗളൂരു: കൃഷിയിടത്തിൽ ജോലി ചെയ്യുന്നതിനിടെ തേനീച്ചയുടെ ആക്രമണത്തിൽ കർഷകൻ മരിച്ചു. ചിക്കമഗളൂരു സഖരായപട്ടണയിലെ കരിയനായക (61) ആണ് മരിച്ചത്. ആക്രമണത്തിൽ മകൻ പ്രദീപിനു പരുക്കേറ്റു.
ഇരുവരും ജോലി ചെയ്യുന്നതിനിടെ അടുത്തുള്ള മരത്തിലെ കൂട്ടിൽനിന്ന് തേനീച്ചകളെത്തി കൂട്ടത്തോടെ ആക്രമിക്കുകയായിരുന്നു. നാട്ടുകാർ രണ്ടുപേരെയും ഉടൻ ആശുപത്രിയിലെത്തിച്ചു. എന്നാൽ, ഗുരുതരമായി പരുക്കേറ്റ കരിയനായക ആശുപത്രിയിൽവെച്ച് മരിച്ചു. മകൻ ചികിത്സയിലാണ്. സംഭവത്തില്‍ സഖരായപട്ടണ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
SUMMARY: Farmer dies in bee attack
