ഒന്നാം ക്ലാസ് പ്രവേശനത്തിന് 60 ദിവസത്തെ ഇളവ് അനുവദിച്ചു 

ബെംഗളൂരു: പുതിയ അധ്യയന വർഷം ഒന്നാം ക്ലാസ് പ്രവേശനത്തിനുള്ള പ്രായപരിധിയിൽ 60 ദിവസത്തെ ഇളവ് അനുവദിച്ചു സർക്കാർ.

നേരത്തെ 6 വയസ്സ് പൂർത്തിയായവർക്കു മാത്രമേ പ്രവേശനം അനുവദിച്ചിരുന്നുള്ളൂ. 6 വയസ്സ് പൂർത്തിയാകാൻ 60 ദിവസം കൂടി അവശേഷിക്കുന്നവർക്കും അപേക്ഷിക്കാമെന്നു വിദ്യാഭ്യാസ മന്ത്രി മധു ബംഗാരപ്പ പറഞ്ഞു. കേന്ദ്ര സർക്കാർ മാനദണ്ഡപ്രകാരം ജൂൺ ഒന്നിനു മുൻപ് 6 വയസ്സ് പൂർത്തിയായ കുട്ടികൾക്കു മാത്രമേ ഒന്നാം ക്ലാസ് പ്രവേശനം അനുവദിക്കുകയുള്ളൂ. 6 വയസ്സ് തീരുമാനം നടപ്പാക്കിയാല്‍ ഇത്തവണ യുകെജി പഠനം പൂര്‍ത്തിയാക്കുന്ന 2.3 ലക്ഷം കുട്ടികള്‍ക്ക് പ്രവേശനം നഷ്ടമാകുമെന്ന് ചൂണ്ടിക്കാട്ടി രക്ഷിതാക്കള്‍ രംഗത്തെത്തിയിരുന്നു. രക്ഷിതാക്കളുടെ പരാതികൾ പരിഗണിച്ചാണ് ഇളവ് അനുവദിച്ചതെന്നും മധു ബംഗാരപ്പ പറഞ്ഞു.
SUMMARY: 60-day relaxation granted for first class admission