കോഴിക്കോട്: നാദാപുരത്ത് എഎസ്‌ഐ ഉള്‍പ്പെടെ അഞ്ച് പേർക്ക് തെരുവുനായയുടെ കടിയേറ്റു. സ്റ്റേഷൻ കോന്പൗണ്ടില്‍ വച്ചാണ് എസ്‌ഐയ്ക്ക് കടിയേറ്റത്. സ്റ്റേഷന് സമീപം കെട്ടിടനിർമാണ പ്രവർത്തനങ്ങള്‍ക്കെത്തിയ തൊഴിലാളിക്കള്‍ക്കും കടിയേറ്റു. ഇന്ന് രാവിലെയാണ് നായയുടെ ആക്രമണമുണ്ടായത്.
നാദാപുരം സ്റ്റേഷനിലെ എഎസ്‌ഐ മനോജിന്‍റെ കാലിനാണ് കടിയേറ്റത്. നാല് ഇതര സംസ്ഥാന തൊഴിലാളികളെയാണ് മനോജിനെ കൂടാതെ നായ ആക്രമിച്ചത്. പരുക്കേറ്റ എല്ലാവരെയും താലൂക്ക് ആശുപത്രിയില്‍ പ്രവേശിപ്പിച്ചു. നായയെ പിടികൂടാനുള്ള ശ്രമം നടക്കുന്നതായി പോലീസ് അറിയിച്ചു.
SUMMARY: Stray dog attack; Five people including a policeman bitten
