ബെംഗളൂരു: കേരളസമാജം ദൂരവാണിനഗറിന്റെ പ്രതിമാസ സാഹിത്യസംവാദം നാളെ രാവിലെ 10 മുതല് വിജനപുര ജൂബിലി സ്കൂളിൽ നടക്കും. ചെറുകഥാകൃത്ത് എൻ.രാജൻ ‘എൻ.എസ്.മാധവൻ കഥകളിലെ മാനവികത’ എന്ന വിഷയം അവതരിപ്പിക്കും. ചെറുകഥാകൃത്തും എഴുത്തുകാരിയുമായ ലാലി രംഗനാഥ് എൻ.എസ്.മാധവന്റെ ‘പാല് പിരിയുന്ന കാലം’ എന്ന കഥ വായനയുടെ ഉദ്ഘാടനം നിർവഹിക്കും. സമാജം പ്രസിഡന്റ് മുരളീധരൻ നായർ അധ്യക്ഷത വഹിക്കും.
ബെംഗളൂരുവിലെ എഴുത്തുകാരും, വായനക്കാരും, സാംസ്കാരിക പ്രവർത്തകരും സംവാദത്തിൽ പങ്കെടുക്കും. കഥ വായനയും കവിത ചൊല്ലലും പരിപാടിയുടെ ഭാഗമായി നടക്കുമെന്നു കൺവീനർ സി.കുഞ്ഞപ്പൻ, ചെയർമാൻ ചന്ദ്രശേഖരൻ നായർ എന്നിവർ അറിയിച്ചു.
