കൊച്ചി: ബലാത്സംഗ കേസില് പെരുമ്പാവൂര് മുന് എംഎല്എ എല്ദോസ് കുന്നപ്പിള്ളിയെ വെറുതെ വിട്ടു. നെയ്യാറ്റിന്കര കോടതിയാണ് ഉത്തരവ് പുറത്തുവിട്ടിരിക്കുന്നത്. പരാതിക്കാരി ഉള്പ്പെടെ 4 സാക്ഷികള് കൂറുമാറിയിരുന്നു. ഇന്നലെയാണ് കേസില് നിര്ണായക വഴിത്തിരിവുണ്ടായത്. എല്ദോസ് കുന്നപ്പിള്ളി തന്നെ പീഡിപ്പിച്ചിട്ടില്ല എന്നാണ് പരാതിക്കാരി മൊഴി മാറ്റിയത്.
എല്ദോസ് കുന്നപ്പിള്ളിക്കെതിരായ ബലാത്സംഗക്കേസില് നെയ്യാറ്റിന്കര സെഷന്സ് കോടതിയില് തിരുവന്തപുരം ജില്ലാ ക്രൈംബ്രാഞ്ച് 2024 മെയ് മാസത്തിലാണ് കുറ്റപത്രം നല്കിയത്. ബലാത്സംഗം, വധശ്രമം അടക്കമുള്ള ഗുരുതര കുറ്റങ്ങള് ചുമത്തിയായിരുന്നു കുറ്റപത്രം സമര്പ്പിച്ചത്.
പരാതിക്കാരിയായ യുവതിയെ ഒന്നിലേറെ തവണ ബലാത്സംഗം ചെയ്തെന്ന് എല്ദോസ് കുന്നപ്പിള്ളിക്ക് എതിരായ കുറ്റപത്രത്തില് പറയുന്നു. എല്ദോസിനെ കൂടാതെ രണ്ട് സുഹൃത്തുക്കളും കേസില് പ്രതികളാണ്. പരാതി പിന്വലിക്കാന് ഭീഷണിപ്പെടുത്തിയെന്നതാണ് ഇവര്ക്കെതിരെ കുറ്റപത്രത്തില് പറയുന്നത്.
SUMMARY: Court acquits Eldhose Kunnappilly in rape case
