ബെംഗളൂരു: ബെംഗളൂരു ആസ്ഥാനാമായി പ്രവര്ത്തിക്കുന്ന സ്മൈല് ചാരിറ്റബിള് ട്രസ്റ്റ്, മലയാളം മിഷന്, ആന്റിഡോട്ട് ഫൗണ്ടേഷന് ഓഫ് ഇന്ത്യ എന്നിവയുടെ സഹകരണത്തോടെ സംഘടിപ്പിക്കുന്ന ‘യൂത്ത് എംപവര്മെന്റ്- കുട്ടിക്കൂട്ടം ക്യാമ്പുകള് ഞായറാഴ്ച രാവിലെ 10 മണി മുതല് ചിക്കബാനവാരയില് നടക്കും. ട്രസ്റ്റ് പ്രസിഡന്റ് സജിത്ത് നമ്പ്യാര് അധ്യക്ഷത വഹിക്കും. കണ്വീനര് ടോമി ജെ ആലുങ്കല് ക്യാമ്പിനെ കുറിച്ച വിശദീകരിക്കും.
14 വയസ്സിനു താഴെയുള്ള കുട്ടിക്കൂട്ടം, 14 വയസ്സിന് മുകളിലുള്ളവര്ക്കായുള്ള യൂത്ത് വിംഗ് എന്നിങ്ങനെ രണ്ട് ഗ്രൂപ്പുകളായാണ് ക്യാമ്പ്. മലയാളം മിഷന് അക്കാദമിക് കോര്ഡിനേറ്റര് മീര നാരായണന് ക്യാമ്പിനെ നയിക്കും. ഫാം സന്ദര്ശനം, വിവിധ ചര്ച്ചകള്, വിഷയാവതരണങ്ങള്, കുട്ടികളുടെ കലാപരിപാടികള് എന്നിവയുണ്ടായിരിക്കും. സമാപന സമ്മേളനത്തില് ട്രസ്റ്റ് അംഗങ്ങളും രക്ഷിതാക്കളും പങ്കെടുക്കും.
മയക്കുമരുന്നുപയോഗമെന്ന മാരക വിപത്തിനെതിരെ ബെംഗളുരു ഉള്പ്പെടെയുള്ള ഇന്ത്യന് നഗരങ്ങളിലെ സന്നദ്ധ-സാംസ്കാരിക പ്രവര്ത്തകരും ലഹരി വിരുദ്ധ സാമൂഹ്യ പ്രവര്ത്തകരും ചേര്ന്ന് രൂപീകരിച്ച ദേശീയ സംഘടനയായ ആന്റി ഡോട്ട് ഫൗണ്ടേഷന്(അഫോയി) പിന്തുണയില് നടത്തുന്ന രണ്ടാമത്തെ ക്യാമ്പ് കൂടിയാണ് ഇത്. മയക്കുമരുന്നു ലഹരിക്കെതിരെ ശക്തമായ സാമൂഹ്യ ഇടപെടല് എന്ന നിലയില് യുവാക്കളെ ചേര്ത്ത് നിര്ത്തികൊണ്ട് അവരെ പൊതു ധാരായില് സജീവമാക്കുക എന്നതാണ് ക്യാമ്പിന്റെ ലക്ഷ്യം.
കൂടുതല് വിവരങ്ങള്ക്ക്: റിജു മാസ്റ്റര്/ ക്യാമ്പ് ഡയറക്ടര്: 98866 48215
SUMMARY: Smile Charitable Trust Youth Camp tomorrow
