ബെംഗളൂരു: കേരളസമാജം ബാംഗ്ലൂർ നോർത്ത് വെസ്റ്റ് സാഹിത്യവിഭാഗം സംഘടിപ്പിക്കുന്ന ആശാൻ സ്മൃതി ഞായറാഴ്ച ഉച്ചയ്ക്ക് മൂന്നു മണിക്ക് എം എ കരീം മെമ്മോറിയൽ ഹാളിൽ നടക്കും. ബെംഗളൂരു റൈറ്റേഴ്സ് ആന്റ് ആർട്ടിസ്റ്റ് ഫോറം പ്രസിഡണ്ട് സതീഷ് തോട്ടശ്ശേരി ഉദ്ഘാടനം ചെയ്യും. സമാജം പ്രസിഡണ്ട് ആർ. മുരളീധരൻ അധ്യക്ഷത വഹിക്കും.
‘ആശാൻ കവിതകളുടെ കാലികപ്രസക്തി’ എന്ന വിഷയത്തിൽ വിവിധ കൃതികളെക്കുറിച്ചുള്ള പ്രഭാഷണവും ചർച്ചയും കവിതകളുടെ ആലാപനവും ഉണ്ടായിരിക്കും. എഴുത്തുകാരയായ വിഷ്ണുമംഗലം കുമാർ- വീണപൂവ്, കെ. ആർ. കിഷോർ- ചിന്താവിഷ്ടയായ സീത, ബിന്ദു പി. മേനോൻ- ചണ്ഡാലഭിക്ഷുകി എന്നീ കൃതികളെ അടിസ്ഥാനമാക്കി സംസാരിക്കും. ഇന്ദിരാ ബാലൻ മോഡറേറ്ററാകും.
നീതു കുറ്റിമാക്കൽ, അനിത ചന്ദ്രോത്ത്, മലയാളം മിഷൻ വിദ്യാർത്ഥികൾ തുടങ്ങിവര് ആശാൻ കവിതകള് ആലാപിക്കും. ബെംഗളൂരുവിലെ എഴുത്തുകാരും സാംസ്കാരിക പ്രവർത്തകരും പങ്കെടുക്കുമെന്ന് ഭാരവാഹികള് അറിയിച്ചു. ഫോൺ: 9980047007
SUMMARY: Kerala Samajam Bangalore North West Aashan Smriti on Sunday
